Таван Богд Группийн охин компани Таван Богд Финанс ББСБ “санхүүгийн цогц үйлчилгээг харилцагч бүрдээ хүргэнэ” уриа дор өнгөрсөн 8 сараас үйл ажиллагаагаа эхлүүлжээ.

Таван Богд Группийн удирдлагууд Хаан банкны хувьцаанаас нэлээд өндөр хувь эзэмшдэг. Монголын банк санхүүгийн салбарт тэргүүлдэг, хамгийн олон харилцагчтай, секторын нөлөө бүхий банктай хэр нь банк бус байгуулах шаардлага юу байв? Судлаад үзэх нь ээ манайд банкны хатуу шаардлага, босгыг давж чадахгүйн улмаас зээлд хамрагдаж ахуй амьдрал, бизнесээ өргөжүүлж чаддаггүй олон мянган хүн байдаг аж. Цалинтай орлоготой, хүсэл тэмүүлэлтэй, хариуцлагатай. Гэхдээ банкны шаардлагад тэнцэхгүй. Харин санхүүгийн зохицуулах хорооны шаардлага, дүрэм журмыг бүрэн хангасан банк санхүүгийн байгууллагууд эдгээр иргэдэд санхүүгийн дэмжлэг болж чаддаг байна.

Сүүлийн үед банк санхүүгийн салбарынхан финтек чиглэлд ихээхэн анхаарч, бүтээгдэхүүн үйлчилгээгээ цахимжуулах болсон. “Tavan Bogd Finance” банк бус ч мөн адил зээлээ цахимаар олгох аж. Мэдээж эхний удаад заавал салбарт биеэр ирж гэрээ байгуулах ёстой гэсэн. Харин дараагийн удаад хүссэн үедээ, хүссэн газраасаа, хүссэн цагтаа зээл авах нь. Зөвхөн цахим зээл ч гэлтгүй бизнесийн, автомашины, орон сууц, хашаа байшингийн, үл хөдлөх хөрөнгө барьцаалсан, байгальд ээлтэй ногоон зээл гэх мэт олон төрлийн зээлийн бүтээгдэхүүн гаргасан байна лээ.

Гагцхүү зээлийн хүү шимтгэлийн нөхцөл, тавигдах шаардлага, шийдвэр гаргалт зэрэг нь хэр уян хатан, иргэдэд ээлтэй байх бол гэдэг сонин? Зээл авах шаардлага гарвал сонирхоод л үзье.