ХААН галерейд залуу уран бүтээлч Э.Ононгуагийн анхны бие даасан үзэсгэлэн нээлтээ хийлээ
ХААН галерейд залуу уран бүтээлч Э.Ононгуагийн анхны бие даасан “Нөмөр” контемпорари үзэсгэлэн 2022 оны 3-р сарын 2-ны өдрөөс олон нийтийн хүртээл болоод байна.
Энэхүү үзэсгэлэнд том хэмжээний нийт зургаан уран бүтээл тавигдсан бөгөөд үүнд уран бүтээлчийн бага насны нандин дурсамж, өсөж төрсөн нутгийнх нь дотно дулаан өнгө төрхийг бүрэн илэрхийлэх хатгамал бүтээлүүд багтжээ.
Гайхалтай уран тансаг нарийн хатгамал бүхий “Шувуун мөр” бүтээл нь 21 Дарь эхийг дүрсэлсэн 21 хэсгээс бүрдэх бөгөөд Өндөр гэгээн Занабазарын бүтээлийг санагдуулах хэдий ч Дарь эхийн суудал хөдөлгөөнөөр эгэл жирийн эх хүний дүрийг гарган бүтээснээрээ онцлог байлаа. Нэн эртний хүн төрөлхтний гар урлагийн төрөл уран хатгамлыг одоо цагийн утга агуулгатай хослуулан бүтээсэн нь эрт эдүгээгийн хүний мөнхийн бүтээлч сэтгэлгээ, хувиршгүй нандин гэгээн мөрөөдлийг илтгэх мэт.
Уран бүтээлч Э.Ононгуагийн анхны томоохон хэмжээний өрөг урлагийн бүтээл нь 108 монгол дээлээс бүрдсэн “Нөмөр” нэртэй бүтээл юм. Нүүдэлчин монголчуудын соёл уламжлал, ахуйн шинж чанарыг шингээсэн үндэсний дээлээс бүрдсэн энэхүү бүтээлийг нисэж яваа нүүдлийн тогорууг санагдуулам байдлаар өлгөсөн нь олон жилийн тэртээгээс, ах дүүсээрээ дамжин өмссөн дээл нь нэг талаас хүний сүнслэг ертөнцийг тээн нисэгч, нөгөө талаас нүүдэллэн явсан ч төрсөн нутгаа зорих мөнхийн эргэх хөдөлгөөнийг илэрхийлж буй юм.
Уран бүтээлч Э.Ононгуагийн “Нөмөр” контемпорари үзэсгэлэн 2022 оны 3-р сарын 22-ныг хүртэл ХААН галерейд үргэлжилнэ.
ЁС ЗҮЙН ХАРИУЦЛАГА: Охин үрээ сандлаас савж унагадаг УИХ-ын гишүүн Ч.Ундрам
Дарханд Б.Жавхлан босоо байгаа бол Сэлэнгэчүүд эмэгтэй улс төрчдийг түлхүү дэмжих нь
Л.Оюун-Эрдэнэ: Над руу л дайр, Ц.Элбэгдорж оо!
Зургаадугаар сарын 1-нээс 1-2-р ангийн сурагчдын зуны амралт эхэлнэ
ТӨРД ХҮЧГҮЙ 8 ЖИЛ БУЮУ УИХ-Д ХОЁР Ч СОНГОГДСОН Г. МӨНХЦЭЦЭГ
Бизнес эрхлэгчдэд олддоггүй 33 тэрбумын зээлийг ногоон гэрлээр авсан гурван гишүүн
ХЭЭ ТОРГО, ХЭВ ЗАГВАРТАА ХЭТ ИХ АНХААРДАГ МӨРТЛӨӨ ХҮҮХДИЙН ҮХЭЛД ТАГ ДУУГҮЙ УИХ-ЫН ЭМЭГТЭЙ ГИШҮҮД
П.ДЭЛГЭРНАРАН: 2030 ОН ГЭХЭД ЭМЭГТЭЙ НЭР ДЭВШИГЧДИЙН ТООГ 50 ХУВЬД ХҮРГЭХЭЭР ЗОРИЛТ ТАВИАД БАЙНА
“Баялгийн” бус “Балгийн” байгуулна
Өнөөдрөөс үндэсний Баялгийн сангийн тухай хууль хэрэгжиж эхэллээ