Нэмэгдсэн өртгийн албан татварын буцаан олголт улирал улирлаар иргэдийн дансанд ордог. Тэгвэл энэ оны гуравдугаар улирлын НӨАТ-ын буцаан олголтыг маргаашаас иргэдийн дансанд шилжүүлж эхэлнэ.

Иргэд энэ сарын 30-ны дотор буцаалтаа авна гэдгийг холбогдох албанаас мэдээллээ. Өмнөх улиралд 1,281,757 иргэнд 84.6 тэрбум төгрөгийг буцаан олгожээ.

НӨАТ-ын буцаалтаар дараах татваруудыг төлөх боломжтой. Үүнд:

• Автотээврийн хэрэгслийн албан татвар,
• Галт зэвсгийн албан татвар,
• Үл хөдлөх эд хөрөнгийн албан татвар,
• Газрын төлбөр /газар эзэмшигч/,
• Газрын үл хөдлөх эд хөрөнгийн албан татвар /газар өмчлөгч/,
• Малын тоо толгойн албан татвар,
• Авто замын байгууламж ашигласны төлбөр тус тус орж байна.