УИХ-ын нэгдсэн чуулганы хуралдаанаар Монгол Улсыг 2021-2025 онд хөгжүүлэх таван жилийн үндсэн чиглэл, Монгол Улсын Засгийн газрын 2024-2028 оны үйл ажиллагааны хөтөлбөрийн 2024 оны гүйцэтгэлийн тайлан болон Монгол Улсын хөгжлийн 2024 оны төлөвлөгөөний гүйцэтгэлийн тайланг үргэлжлүүлэн хэлэлцэх үеэр

УИХ-ын гишүүн, Монгол Улсын Сайд, ЗГХЭГ-ийн дарга Н.Учрал:

"Одоо хөдөө орон нутгаар үндэсний баялгийн сангаа иргэддээ авчиръя, 34-50 хувиа авъя гээд Монгол Улсын Ерөнхийлөгч асан Х.Баттулга яриад явж байна. Үгээрээ бус үйлдлээрээ үзүүлэх хэрэгтэй. Тантай нэр холбогддог Төгрөг нуурын ордыг ярих цаг ирсэн. 39 стратегийн ордыг ярихаар бүгдээрээ үүнийг ярьж байгаа. Тавантолгойн бүлэг ордын 50 хувь 3 тэрбум тоннын нөөцтэй 15 их наяд төгрөг зөвхөн тусгай АМНАТ-ийн 5 хувиар бодвол ард түмэнд ирэх ёстой байсан орд.Улаанбаатар хотоос 1 цаг яваад очдог ордыг 250 сая ам.доллараар дөрвөн гадаадын иргэнд зарсан. Хонконгийн сайт дээр байна, оффшороор дамжуулаад гаргасан." гэсэн билээ.

Тэгвэл УИХ-ын гишүүн, МоАХ-ы дарга Х.Баттулгын өмгөөлөгч асан Д.Пүрэвбаатар:

"УИХ-ын Гишүүн Х.Баттулгад холбогдуулан 2014 оны 11 сарын 24 нд эрүүгийн хэрэг үүсгэн АТГ, УМБГ-н хамтарсан ажлын хэсэг Н.Пүрэвдорж гэгчээр ахлуулан анх шалгаж эхэлсэн дээ! М.Энхсайханы мэдээллээр Ц.Элбэгдорж чиглэл өгч Сайншандын АҮПарк, ТЗ-н овоолсон шороо гэх мэтээр өөлж Ц.Нямдорж үүрэгжүүлэн хэвлэл мэдээллийн бүх хэрэгслээр гөвж Баянгол, Махимпэкс, Чингисын хөшөө, гурилын үйлдвэр...нэгжээгүй онгичоогүй хурааж аваагүй ширхэг цаас ч бараг үлдээгүй...! Хэр баргийн эр хүн барьц алдаж энээ тэрээ болохоор хүнд хэцүү доромж үе 2017 оны 4 сарын 6 хүртэл үргэлжилсэн юм даг.

Гэмт хэргийн бүрэлдэхүүнтэй гэж үзэх ганц ч баримт гаргаж чадаагүй. Хоёр байгууллагаас 18 хүний бүрэлдэхүүнтэй ажлын хэсэг шалгаад тэр!.

Тагнуул Цагдаагийн ажлын хэсгийн зөвлөлдөх өрөөнд тэр хүний алхам бүрийг кадржуулан бэхжүүлсэн зураг дүүрэн өлгөөстэй...( заримыг нь сэтгүүлчид олоод авчихсан одоо ч тавьж л байдаг юм) 2016 оны сүүлчээр Хасын салаавч Ганхуяг энэ Төгрөг нуурын гэх уурхайн тухай сөхөж сонгуулийн ПиАр болгон цацсан. Дараа нь арай товчлоод 2020 онд мөн л Сонгуулийн өмнө бас гаргаж ирсэн.

Энэ огтхон ч шинэ юм биш!

Дараа нь хэсэг мартагнуулаад дахиад л хэн нэг нь захиалга биелүүлж дахин тавих л байх. Тэр үед ЦЕГ, АТГ-ын ажлын хэсэг бас л мухарлаж шалгаад холбогдолгүй гээд хаясан байдаг юм. Одоо энэ Төгрөг нуурын уурхай, Камекс компани нь Боожоогийн Норовсамбуу гэдэг Увсын гаралтай хүний нэр дээр байж л байна. Уурхай 68 сая тонны нөөцтэй юм билээ. Юун Хятадын компани авсан, юун 250 сая доллар, юун 3 тэрбумын нөөц...!

Төв аймгаас урагш Баян тал хавьд байдаг ундны усны сан дотор Төгрөг нуурын (нуурын шүү!) энэ уурхай илчлэг багатай ашиглах боломж болон нөөц бага эд юм (интернет үзээрэй).

Увсын гаралтай Дамдинням, Увс гаралтай Учрал нар гүтгэлэг тарааж, одоо Увсын Тэс сумын Б.Норовсамбуу дээр тэр лицензи компани нь төвлөрдөг. Ч.Хүрэлбаатарын дотны нөхөр Норовсамбуу нь Увс аймагт махны үйлдвэр барина гэж 1 тэрбумын ЖДҮ зээл авч манаргаад одоо энэ уурхай болсон бий вий..

Монголдоо монгол хүнд байна хөөш!. Тэгэхээр Хятадууд 250 сая $ авсан гэдэг худлаа байгаа биз! Тэр чинь асар их мөнгө шүү дээ!

Стратегийн ордуудын 34-50 хувийг иргэдэд хүртээх МоАХ-ны хөх тугийн аян Монголчуудад маш сайн хүрч байгаа нь судалгаагаар тогтоогдсон. Энэ нь төрөөс төрсөн олигархуудын айдас хүйдэс болж байгаа нь илт мэдэгдэж байгаа болохоор сонгуульд мөнгийг нь гударсан хулгайчууд ёстой л зүг чиггүй хөдөлж байна! Нягталж шалгаад хуцахгүй дээ ядаж.Х.Баттулгыг холбогдуулан шалгаж байсан тэр үед ард түмэн огтхон ч эргэлзээгүй, үнэн мөнөөрөө тогтоогдоод гараад ирнэ гэж хүлээж л байсан. Баянгол зочид буудал дээр хууль хүчнийхэн тусгай ажиллагаа явуулж илт буруу юм хийсэн, ард түмэн хамгаалаад л гарсан.

Одоо баялгийн 34-50 хувийг иргэддээ өгье гэсэн уриатай эх орноо тойрч байна Ард түмэн талархан хүлээн авч байна.

Төрөөс хулгай хийж баяжсан олигархуудад үхлийн цохилт өгч байна даа! Учрал Ерөнхий Сайдынхаа бөгсийг ухаж байсан арчаагүй аргаа л хэрэглэж. Харин тэр Ямбийням, Б.Энхбаяр нар бол өөрийн толгойгүй түрийний бөөснүүд! Миний бие энэ бүх хугацаанд түүний өмгөөлөгчөөр ажиллаж байсан бөгөөд үйл явдал, цаг хугацаа, хүмүүсийн нэр, бусад онцлогийг алдаагүй ,өөрт хадгалсан баримтууд үндэслэн бичсэн болно." гэжээ.