Хан-Уул дүүргийн Эрүү, иргэний хэргийн хялбар ажиллагааны анхан шатны тойргийн шүүх өнөөдөр /2025.06.05/ Ардчилсан намын гишүүн Д.Мөнх-Эрдэнэ, Төв цэнгэлдэх хүрээлэнгийн захирал Ж.Энхжаргалан нарт холбогдох хэргийг хэлэлцэв. Тус шүүхээс Д.Мөнх-Эрдэнэ, Ж.Энхжаргалан нарыг ес хоногийн хугацаагаар баривчлах шийдвэр гаргалаа.

Төв цэнгэлдэх хүрээлэн дотор цахим орчинд хэрүүл маргаан үүсгэсэн, олон нийтийг үл хүндэтгэсэн, харилцан нэгэндээ халдаж, хохирол учруулахгүйгээр зодсон гэж үзэн, Зөрчлийн тухай хуульд заасан үндэслэлээр тэдэнд дээрх шийтгэлийг ногдуулжээ.

Хан-Уул дүүргийн Эрүү, иргэний хэргийн хялбар ажиллагааны анхан шатны тойргийн шүүх Д.Мөнх-Эрдэнэ, Ж.Энхжаргалан нарыг 10 цагийн хугацаагаар албадан сургалтад харуулж, ес хоногийн хугацаагаар баривчлах шийтгэл тус тус оногдуулсан байна.

Б.ЖАРГАЛ