Маргааш буюу энэ сарын 10-ны өдрийн 9:30 цагт Сонгинохайрхан дүүргийн Эрүүгийн хэргийн анхан шатны шүүхэд Барилга, хот байгуулалтын сайд асан З.Баянсэлэнгэ, М.Болортуяа нарт холбогдох хэргийн шүүх хурал болно.

Тэднийг Эрүүгийн хуулийн тусгай ангийн 263.2 дахь хэсэгт зааснаар албаны эрх мэдэл буюу албан тушаалын байдлаа урвуулан ашиглаж улсад их хэмжээний хохирол учруулсан хэрэгт буруутган шүүх бөгөөд урьдчилсан хэлэлцүүлгийн хурал болох юм.

Уг шүүх хурал энэ сарын 8-ны өдөр болох байсан ч З.Баянсэлэнгийн өмгөөлөгч Б.Оюунбилэг шүүх хуралдаан давхацсан тул хойшлуулах хүсэлт ирүүлснээр шүүх хуралдааныг хойшуулах шийдвэр гарсанаар маргааш болох тов гарсан билээ.