Хөдөө орон нутгийн иргэд төрийн үйлчилгээг авахад явдал чирэгдэл их байдаг. 2019 оныг “Иргэн төвтэй төрийн үйлчилгээний жил” болгон зарласан. Тус жилийн хүрээнд иргэдийн хэрэгцээнд суурилсан төрийн үйлчилгээ иргэн төвтэй төрийн алба гэсэн таван үндсэн зорилтын хүрээнд 70 орчим арга хэмжээ хэрэгжүүлэхээр төлөвлөн ажиллаж байна. Мэдээлэл, харилцаа холбооны технологийн дэвшлийг ашиглан иргэн төвтэй ухаалаг үйлчилгээг хөгжүүлж, төрийн цахим мэдээлэл солилцооны системд төрийн байгууллагуудыг бүрэн холбож, төрийн 320 орчим үйлчилгээг цахимаар үзүүлж, шуурхай, цаасгүй, нээлттэй, хүнд сурталгүй төрийн үйлчилгээг хүргэхээр зорьж байгаа бөгөөд Улаанбаатар хот, орон нутагт байх “Нэг цонхны үйлчилгээ”, “Төрийн үйлчилгээний нэгдсэн төв”-ийг 10 дугаар сарын 01-ний өдрөөс операторын хэлбэрээр үйлчилгээ үзүүлдэг “Үйлчилгээний нэгдсэн төв” болгохоор шийдвэрлэлээ. Бүх суманд ийм төв байгуулж төрийн зарим үйлчилгээг цахим хэлбэрээр үзүүлэхийг аймаг, нийслэлийн Засаг дарга нарт даалгасан ингэснээр төвийн мэдээллийг системийг хөгжүүлэн төрийн мэдээлэл солилцооны “Хур” системд холбох юм. Иргэд заавал төв газрыг зорихгүй сумандаа төрийн үйлчилгээг хүртэх боломж тун удахгүй нээгдэнэ.