Өнгөрөгч гуравдугаар сарын 13-ны өдөр Баянгол дүүрэгт оршин суух хаягтай Тодзаяа нь дагавар хүү болох дөрөв болон зургаан настай хоёр хүүг ээжийнх нь эзгүйд гурван хоногийн турш аймшигтайгаар зодож, гэр бүлийн хүчирхийлэл үйлдсэн талаар бид өмнө нь мэдээлсэн билээ. Уг хэрэг үйлдсэн хүүхдүүдийн хойд эцэг болох Тодзаяаг тухайн үедээ гурван өдөр цагдан хорьж, улмаар батлан даалтанд гаргасан билээ.

Олон хоногийн зодуурын улмаас дөрвөн настай Энхтөгөлдөр хүү сарын хугацаанд есөн удаа хагалгаанд орж, одоогоор биеийн байдал нь тааруу Хүүхдийн төв сувилалд хэвтэн эмчлүүлж байна.

Тэгвэл хойд эцэг болох Тодзаяаг ШШГЕГ-ын харьяа цагдан хорих 461 дүгээр ангид прокурорын зөвшөөрөлтэйгөөр нэг сарын саатуулж байна. Түүнд Эрүүгийн хуулийн 11 дүгээр зүйлийн 11.1.1, 11.1.2.2, 11.1.2.3 дахь зүйл заалт буюу “Хүний эрүүл мэндэд хүнд хохирол санаатай учруулсан, хохирогчийг тохуурхан доромжилж үйлдсэн, бие махбодын, сэтгэл санааны шаналал, зовиур үүсгэж үйлдсэн, гэр бүлийн хүчирхийлэл үйлдсэн, удаа дараа бага насны хүүхдийг зодож, дарамталсан гэх зүйл ангиар хэрэг үүсгэн шалгаж байгаа аж.