Мал аж ахуйн салбарын өвөлжилтийн нөхцөл байдалтай танилцах ажлын хэсэг өвөлжилт хүндэрсэн Завхан аймгийн Тэс суманд ажиллаж байна. Завхан аймгийн Тэс суманд Агаарын температур ойрын өдрүүдэд шөнөдөө 31-36 хэм өдөртөө 25.5-32 хэм хүрч хүйтэрч байна. Шөнийн агаарын үнэмлэхүй бага температур 12 сарын 29 нд 43.7 хэм, нэгдүгээр сарын 06, 09-нд 39.0 хэм, 13-нд 39.7 хэм хүрч хүйтэрсэн.

Тус сумын Баянуулын ар, Ар хос, Өвөр хос Зээрэнгийн даваа Нам богч, Зосын өвөр, Овгор, Талын ухаа, Доонын ар, Ховойн зам хаагдаж, Баянуул багт 56 суурийн 97 өрх, Дооно багын 16 суурийн 39 өрхийн өвөлжилт хүндэрч Баянуул багт 10761 төл мал, 1065 бог мал, 724 үхэр, Дооно багт 15674 мал, Нисэг багт 10394 төл мал, Зүр багт 954 бод мал нэмэгдэл тэжээлд орсон.

Дээрх нөхцөл байдлын улмаас малын хөл халцрах, мал доройтож сульдах, нэмэгдэл тэжээлд орох мал өвчлөх (омруутах, хамуурах), байдалтай байна.

Эх сурвалж: ХХААХҮЯ