ОПЕК: Нефтийн эрэлт буурсантай холбогдуулан олборлолтоо бууруулахаар тохиролцжээ

Ц.Анударь / Гадаад мэдээ

Нефть экспортлогч орнуудын байгууллагын /ОПЕК/ гишүүд болон холбоотнууд коронавирусний халдварын тархалтыг хязгаарлах үүднээс хэрэгжүүлж буй хөл хорионы улмаас нефтийн эрэлт буурсантай холбогдуулан олборлолтоо тавны нэгээс илүү хувиар бууруулахаар тохиролцжээ.

“ОПЕК”-ийн мэдээлснээр, нефтийн үнийг өсгөх зорилгоор тав, зургадугаар сард олборлолтоо өдөрт 10 сая торхоор бууруулахаар болжээ. Мөн нефтийн олборлолтын хэмжээг 2022 оны дөрөвдүгээр сараас аажмаар нэмэгдүүлэх ажээ.

“ОПЕК+” буюу “ОПЕК”-ийн гишүүн орнууд болон ОХУ тэргүүтэй холбоотон орнууд пүрэв гарагт цахимаар хуралдаж энэхүү шийдвэрийг гаргажээ. Хэлэлцээний үеэр ОХУ, Саудын Арабын талуудын хооронд санал зөрөлдөөн үүссэн байна.

“ОПЕК” болон үүний холбоотнууд өдөрт олборлох нефтийн хэмжээгээ 10 сая торхоор бууруулахаар тохиролцсон нь дэлхийн нефтийн нийт нийлүүлэлтийн 10 хувьтай тэнцэх юм.

Цаашид олборлолтын таналтыг аажмаар багасгах бөгөөд тодруулбал, энэ оны долоогоос 12 дугаар сард өдөрт олборлох нефтийн хэмжээг найман сая торхоор, 2021 оны нэгдүгээр сараас 2022 оны дөрөвдүгээр сар хүртэл зургаан сая торхоор бууруулахаар тохиролцжээ.

“ОПЕК+” өнгөрсөн гуравдугаар сард нефтийн олборлолтыг бууруулах асуудлаар тохиролцоонд хүрч чадаагүйн улмаас нефтийн үнэ огцом унасан юм. Нефтийн үнэ гуравдугаар сарын эцсээр сүүлийн 18 жилийн хугацаанд бүртгэгдээгүй бага хэмжээнд хүрч унасан билээ. Тухайн үеэс хойш нефтийн үнэ аажмаар нэмэгдэж, өнгөрсөн долоо хоногт 20 хувиар өссөн байна.

Эх сурвалж: Монцамэ


Сэтгэгдэл

generic albuterol inhaler [95.85.80.239] 2020-06-02 10:12:50

You really make it appear so easy with your presentation however I find this matter to be really one thing that I feel I'd never understand. It kind of feels too complicated and extremely large for me. I am taking a look forward to your next post, I will try to get the grasp of it! https://amstyles.com/


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.