Хүндэтгэн үзэх шалтгаантай 807 иргэнээ тусгай нислэгээр татаж авна

УОК, Засгийн газрын шийдвэрээр, гадаадад байгаа хүндэтгэн үзэх шалтгаантай 807 иргэнээ тусгай нислэгээр энэ сарын 30, ирэх сарын 1, 2-нд татаж авах гэж буйг УОК-ын Шуурхай штабаас өнөөдөр мэдээлэв.
Тодруулбал, Энэ сарын 30-нд БНСУ-ын Сөүл хотоос нийт долоон улсаас дамжин ирж байгаа 273 иргэнээ татан авах юм. Мөн ирэх сарын 1-нд Сөүлээс тусгай нислэгээр зөвхөн БНСУ-д байгаа 271 иргэнээ татан авахаар төлөвлөжээ. Харин ирэх сарын 2-нд ХБНГУ-ын Франкфурт хотоос 13 улсаас дамжин ирж буй 263 иргэнээ татан авна гэдгийг ГХЯ-ны Консулын газрын дарга Л.Мөнхтүшиг мэдээлэв.
УОК, Засгийн газрын шийдвэрээр хоёрдугаар сарын 1-нээс хойш эх орондоо ирэхээр гаргасан иргэдийн хүсэлтийг судалж, үе шаттай татан авч байна. Өмнөх найман тусгай нислэгээр нийт 1800 гаруй хүн, хилийн боомт болон төмөр замын боомтоор 2400 гаруй хүн, нийт 4300 гаруй иргэнээ татан авчээ.
Одоогийн байдлааар, гадаадын 35 орноос 9900 гаруй иргэн эх орондоо ирэх хүсэлт гаргасан байна. Өндөр настай, хөгжлийн бэрхшээлтэй, жирэмсэн, бага насны хүүхэдтэй, сурагч, оюутнууд гэсэн ангиллаар хүсэлтийг нь судалж, нотлох баримтыг шалган тусгай нислэгт хамруулж буйг ОБЕГ-ын тэргүүн дэд дарга, бригадын генерал Т.Ариунбуян мэдээллийн үеэр тодотгов. Тэрбээр, "Сүүлийн өдрүүдэд тусгай нислэгийн бүртгэлтэй холбогдуулан БНСУ-ын ЭСЯ-ны өмнө манай иргэд эмх замбараагүй байдал үүсгэж, дипломат ажилчны эрхэнд халдах, нэр төрийг гутаах, доромжлох зэрэг зохисгүй үйлдэл гаргасан. ЭСЯ-ны өдөр тутмын ажилд хүндэтгэлтэй хандахыг анхааруулж байна" хэмээв.
Мөн УОК-ын даргын тушаалаар, улсын хэмжээнд тавдугаар сарын 31 хүртэл "Амны хаалтаа зүүцгээе" аяныг зохион байгуулж буйг дурдаад, иргэд идэвх, санаачилгатай оролцож байгаад талархал илэрхийлэв. Тус аяны хүрээнд засаг захиргааны нэгж, хууль хяналтын байгууллагын нийт 59 мянган алба хаагч хяналт, шалгалт хийж буйг тэмдэглээд, ажлын явцыг ирэх сарын дундуур танилцуулна гэлээ.
УОК-ын өчигдрийн хуралдаанаар, шинэ коронавирусний нөхцөл байдалтай холбогдуулан Гамшгаас хамгаалах өндөржүүлсэн бэлэн байдлын зэрэгт шилжсэн хугацааг тавдугаар сарын 31-ныг хүртэл сунгахаар Засгийн газрын өнөөдрийн хуралдаанд оруулжээ.
“Gold Forum 2025” арга хэмжээнээс ОНЦЛОХ 3 үйл явдал
Х.Баттулга Төгрөг нуурын ордыг хятадуудад зарсан гэдэг нь худал мэдээлэл тул хуулийн байгууллагад хандахаар болжээ
Л.Эрдэнэчулуун: Украины өнөөгийн асуудал 1962 оны Кубын хямралаас юугаараа ялгаатай юм бэ
Тусгай үүрэгт элчин сайд Зандаахүүгийн Энхболд ажлаа хүлээн авч, хийн хоолойн асуудлаарх уулзалтууд эхэллээ
Украины тал 3.5 тэрбум еврогийн тусламж хүлээн авчээ
МАН-ын гишүүд хурлаа тасалж, Д.Пүрэв-Очирын дэвшүүлсэн "Булганы сэргэлт хөтөлбөр" батлагдсангүй
"Чингис хаан" одонт, дуурийн дуучин Г.Ариунбаатар Оросын дуурийн “Оны шилдэг дуучин” болов
О.Батнайрамдал: Бакалаврын түвшинд суралцагчдад тэтгэлэг, магистр, докторын сургалтад зээл олгохоор зохицуулах нь зөв
Ерөнхийлөгч Трамп Путинд сэтгэл дундуур байна
Нийт 182 иргэн элэг, 683 иргэн бөөр шилжүүлэн суулгуулахаар хүлээж байна