Сонгуулийн сурталчилгаа дуусаж буй энэ 7 хоногт орон нутгийн замын хөдөлгөөн эрс нэмэгдэх тул хөдөлгөөнд анхаарал, болгоомжтой оролцохыг Тээврийн цагдаагийн албанаас жолооч нарт анхаарууллаа.

Өнгөрсөн жил бүртгэгдсэн нийт ослын 82.1% нь мөргөлдөх хэлбэрээр үйлдэгдэж, орон нутгийн замд 319 хүн амь насаа алджээ.

Иргэд сонгуулийн дараа хөдөө орон нутгийг зорих болон орон нутагт сонгуулийн ажиллагаагаа дуусгасан иргэд хот руу зорчиж эхлэх тул

• Хурд хэтрүүлэх
• Хамгаалах бүс хэрэглэхгүй байх
• Гүйцэж түрүүлэхдээ алдаа гаргах
• Буруу зогсох
• Нойрмоглох
• Согтууруулах ундааны зүйл хэрэглэхгүй байхыг зөвлөлөө. Учир нь эдгээр үйлдлүүд нь орон нутгийн замд гарсан ослын гол шалтгаан болдгийг нийт зорчин явагч, жолооч нарт анхааруулж байна.

​

Эх сурвалж: Тээврийн цагдаагийн алба