Ц.Оюунгэрэл: Залуучуудын “МАН-д өгөхгүй” гэсэн 70 хувийн санал нь бусад 500 гаруй нэр дэвшигчдэд хуваагдсан

УИХ-ын гишүүн асан Ц.Оюунгэрэл цаг үеийн асуудлаар тодруулга өглөө.
БИДНИЙ ХУВЬД МАШ НУХАЦТАЙ ДҮГНЭЛТ ХИЙХ ЦАГ ИРЭЭД БАЙНА
-УИХ-ын найм дахь удаагийн сонгуулийн үр дүнгийн талаарх таны байр суурийг сонирхъё?
-МАН өнгөрсөн дөрвөн жилийн хугацаанд ЖДҮ буюу иргэдийн боломжийг хулгайлсан, бүтээн байгуулалтын ажил нь зогссон гэх мэт олон муу үр дүнд хүргэсэн байтал яагаад ийм олноор нь дахин сонгов оо? гэдэг гайхшрал сошиал орчинд давамгайлж байна. Хүмүүс энэ гайхшралын эцсийн хариуг МАН муу засагласан, түүний сөрөг хүчин байсан АН муу сөрөг хүчин байжээ гэж тодорхойлж байна. Ялагдсан нам дүгнэлтээ хийх ёстой. Бидний хувьд маш нухацтай дүгнэлт хийх цаг ирээд байна. Илүү системтэй, илүү зохион байгуулалттай, үзэл санааны хувьд манлайлагч хүчин болох хэрэгтэй.
АН ЯЛАГДАНА ГЭДЭГ МОНГОЛЫН АРДЧИЛАЛД АСАР ХОРТОЙ ШҮҮ
- Өмнөх долоон удаагийн УИХ-ын сонгуулийн үр дүнг харвал АН болон МАН ээлжлэн эрх барьсан байдаг. Энэ удаагийн сонгууль “сонголттой” байсан боловч олон хүний хүлээлтээс зөрлөө шүү дээ?
-Энэ удаагийн сонгуульд залуучууд маш олноороо санал өгсөн. Залуус юмыг өөрчилье, шинэчилье, МАН-ын эрх барьж буй үнэмлэхүй байдлыг багасгая гэж асар их “давалгаа” шиг саналаа өглөө. Тэр залуучуудын өгсөн “давалгаа” хаачсан бэ гэхээр сарниад л алга болчихсон байхгүй юу. Далайн хөөс шиг замхраад алга болсон. Яагаад замхарсан бэ гэвэл МАН-д өгөхгүй гэсэн 70 хувийн санал нь бусад 500 гаруй нэр дэвшигчдэд хуваагдсан. Дундаас нь 30 хувийн саналтай МАН үнэмлэхүй гараад ирлээ. 70 хувийн санал бөөгнөрөл үүсгэх хүчин байж чадсангүй. АН хоёр дарааллаж ялагдана гэдэг Монголын ардчилалд асар хортой шүү.
“Залуучууд МАН-ын үнэмлэхүй байдлыг багасгах гэж асар их “давалгаа” шиг саналаа өгсөн”
-Урьдчилсан дүнгээр Ардчилсан нам 11 суудал авлаа. Энэ тухайд таны байр суурь?
-Намын жирийн гишүүд бид хувийнхаа санаачлагаар намаас нэр дэвшиж буй гишүүдээ дэмжиж, тойргууд дээр ажилласан. Тэр үед тойрогт байгаа гишүүдийн хувь, рейтинг асар хурдтай өссөн. Тэгээс эхэлсэн, огт танихгүй газар очсон боловч үнэхээр сайн ажилласан. Манай намаас 30 хувийн санал авсан гишүүд хувь хүнийхээ зүтгэлээр тухайн рейтингээ босгож ирсэн. Хувь хүний өсөлтийн рейтинг нь 20 ба түүнээс дээш хүмүүс цаашид дахин сонгогдоно.
-Баярлалаа.
Лам нартай харьцаанд орж, зураг бичлэгээ ашиглан шантаажилж, мөнгө авдаг эмэгтэйг баривчилжээ
АНУ-ын генерал "НАТО Калининградын бүс нутгийг 'газрын хөрснөөс арчиж устгах' боломжтой" гэж мэдэгджээ
Азаров: Мөргөлдөөн дууссаны дараа Украин 185 тэрбум ам.долларын өрөө эргүүлэн төлнө
Цэргийн алба хаагч 5011 км замыг 95 хоногт туулж, "Хэт холын зайн марафон гүйлт"-ийн шинэ дээд амжилт тогтоов
Трамп: "Coca colа" гол найрлагаа өөрчилнө, илүү амттай
Г.Занданшатар: Эрчим хүчний салбар өртөг зардлаа бууруулж, үр ашгаа нэмэгдүүлсний дараа үнэ тарифын асуудлыг ярих ёстой
Ерөнхий сайд Г.Занданшатар "ДЦС-3" ТӨХК-д ажиллаж, онцгой дэглэмийн хүрээнд өгсөн үүрэг, даалгаврын биелэлттэй танилцлаа
Монгол Улсын Ерөнхийлөгч У.Хүрэлсүх Бүгд Найрамдах Киргиз Улсад төрийн айлчлал хийнэ
Сергей Безруков: Түүх, соёл, үнэт зүйлсийг минь үгүйсгэх оролдлогууд гарч буй ч бидний эх оронч сэтгэл хэзээ ч хувирашгүй
Улсын гарди Н.Өсөхбаярыг нутгийн зон олон нь гурван өрөө байраар мялаажээ