Онцгой байдлын ерөнхий газраас төв, орон нутгийн Онцгой байдлын байгууллагын бүлгийн дарга, салааны захирагч нарын сэтгэлзүйг дэмжих цахим сургалтыг энэ сарын 06-07-ны өдрүүдэд зохион байгууллаа.

Сургалтыг СЭМҮТ-ийн сэтгэл заслын эмч, анагаах ухааны доктор Б.Жаргал удирдан явуулж, стресс түгшүүрийн менежмент, бухимдал айдсаас ангижрах, эерэгээр сэтгэн бодох, амиа хорлох бодолтой, оролдлого хийсэн хүнтэй харилцах зэрэг сэдвээр мэдээлэл өгсөн юм.

Сургалтыг зохион байгуулснаар алба хаагчид стресс болон түгшүүрийн талаар мэдлэгтэй болж гамшиг ослын өмнөх болон дараах сэтгэлзүйгээ бэлтгэх чадварыг эзэмшлээ гэж Онцгой байдлын ерөнхий газраас мэдээллээ.