Нийт амбулаторийн үзлэгийн 2.1 хувийг томуу төст өвчин эзэлж байна

Aдмин / Эрүүл мэнд

Амбулаторийн нийт үзлэгийн 4-өөс дээш хувийг томуу, томуу төст өвчний үзлэг эзэлж эхэлбэл томуугийн улирал эхэллээ гэж үздэг.

Энэ долоо хоног буюу халдвар судлалын 30 дугаар долоо хоногийн байдлаар нийт амбулаторийн үзлэгийн 2.1 хувийг томуу төст өвчин эзэлж байна. Тийм учраас эмнэлгийн байгууллагууд болон ард иргэд томуугийн улиралд бэлэн байдлаа хангах шаардлагатай болж байгааг ХӨСҮТ-ийн Тандалт, судалгааны албаны дарга А.Амбасэлмаа хэллээ. Томуу, Томуу төст өвчний үзлэг өмнөх долоо хоногоос 0.5 хувиар багасаж, сүүлийн гурван жилийн дундаж үзүүлэлтээс бага зэрэг өссөн үзүүлэлттэй байгаа. Томуугийн харуулдан тандалтын нэгжүүдээс санамсаргүй түүврийн аргаар болон томуугийн тохиолдлын тодорхойлолтод тохирсон, амьсгалын замын цочмог үрэвсэл/хатгаа/-тэй өвчтөнүүдээс авсан 40 гаруй сорьцод өнөөдрийн байдлаар томуугийн вирус илрээгүй байна. Харин амьсгалын замын цочмог хүнд халдвар үүсгэдэг реновирус 2.5 хувьд нь илэрсэн. Томуугийн тандалтын тогтолцоогоор томуугийн 21 төрлийн вирус, цочмог халдвар үүсгэгч вирусүүд болон COVID-19 халдварыг илрүүлэх шинжилгээг тандалтын зорилгоор хийгээд явж байгаа. Томуугийн тандалтын тогтолцоогоор долоо хоногт дунджаар 40-50 сорьж цуглуулж шинжилдэг бөгөөд нийт шинжилж байгаа сорьцын 80 орчим хувь нь нийслэл хотоос цуглуулсан сорьцууд байдаг. Өөрөөр хэлбэл, нийслэл хотод хэвтэн эмчлүүлж байгаа хүмүүсийн дунд амьсгалын замын халдварууд байгаа аж.


Сэтгэгдэл

Зочин [66.181.184.198] 2020-08-05 21:55:20

Томуу харшлын тахал дэглэнэ дархлагаа монгол хүнсээр дэмжээрэй


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.