Олон зуун жижиг дунд үйлдвэрлэгчийн боломжийг хулгайлж, албан тушаалаа урвуулан ашиглаж ЖДҮ авсан гишүүдийн хэрэг эхнээсээ шүүхийн хаалга татаж байгаа билээ.

ЖДҮХС-гаас зээл авсан гишүүдийн нэрс:

• ХХААХҮ-ийн сайд асан Б.БАТЗОРИГ өөрийн эхнэрийн “Тээвэр ачлал” компанид 1.4 тэрбум төгрөг,
• УИХ-ын гишүүн асан Б.УНДАРМАА "Доктор МЭИК" ХХК 700 сая төгрөг,

• УИХ-ын гишүүн асан Г.СОЛТАН “Монгол шаазан” компанид 950 сая төгрөг,
• УИХ-ын гишүүн Х.БОЛОРЧУЛУУН өөрийн эзэмшлийн “Дорнод гурил” компанид 950 сая төгрөг,
• УИХ-ын гишүүн асан Я.СОДБААТАР өөрийн эзэмшлийн “Эпота Анарваан” компанид 1.2 тэрбум төгрөг,
• УИХ-ын гишүүн асан Н.ОЮУНДАРийн хүүгийн “Рэд Стар Клуб” ХХК 800 сая төгрөг,
• УИХ-ын гишүүн асан О.БАТНАСАНгийн дүү О.Ганбаатар 950 сая төгрөг,
• УИХ-ын гишүүн Г.ТЭМҮҮЛЭНгийн хамаарал бүхий этгээд буюу ээж Довдон овогтой Дэнсмаагийнх нь “Спа цогцолбор” ХХК тус сангаас 700 сая төгрөг,
• УИХ-ын гишүүн асан Л.ЭНХБОЛД өөрийн охин Э.Мандухайн нэр дээр үүсгэн байгуулсан "Мийт экспорт интернэшнл" ХХК-д 2016 онд ЖДҮХС-аас 1,3 тэрбум төгрөг,
• УИХ-ын гишүүн Н.УЧРАЛын аавынх нь 100 хувь эзэмшдэг “Хүннү” ХХК нэг 950 сая төгрөг
• УИХ-ын гишүүн Б.САРАНЧИМЭГ, УИХ-ын гишүүн асан Б.НАРАНХҮҮ нарын дүү Б.Одончимэгийн үүсгэн байгуулсан "Сингапурхэльткейр сентр ХХК" 2018 оны 8 сард 800 сая төгрөг,
• УИХ-ын гишүүн Б.БАТТӨМӨР өөрөө 80 хувийг нь эзэмшдэг "Мондем" ХХК-аараа ЖДҮХС-гаас 2018 оны 10-р сард 300 сая төгрөгийн зээлийг тус тус авсан.

Зээл авч шүүхэд дуудагдаж шалгагдаж байгаа, ял авсан гишүүд үүний талд нь ч хүрэхгүй байна. Шүүхэд дуудагдаж хэрэгтэн болох нь битгий хэл УИХ-д дахин нэр дэвшиж сонгогдон хуулийн хамгаалалтандаа ороод байгаа хэд хэдэн гишүүд байгаа юм.

Албан тушаалаа ашиглаж ард түмний боломжийг хулгайлсан тэдгээрийг шалгаж шүүхгүй, шүүгдсэн хэдэд нь үнэн зөв ял шийдвэрийг оногдуулалгүй өнгөрөөж байгаа нь шудрага үнэн Монголын шүүх.

ЖДҮХС-гаас зээл авсан хэргээр шүүхэд буруутай нь тогтоогдсон гишүүдийн ялыг харьцуулвал

УИХ-ын гишүүн асан Д.Дамба-Очир- Тэрээр өмгөөлөгч нэмж авсан тул шүүх хуралдааныг энэ сарын 19-нийг хүртэл хойшлуулсан.

УИХ-ын гишүүн асан Б.Ундармаа /700сая/- Шүүхээс түүнийг гэм буруутай гэж үзээд түүнд 2 жил 6 сарын хорих ял оноов. Мөн нийтийн албанд ажиллах эрхийг нь зургаан жилээр хасах шийдвэр гаргасан.

УИХ-ын гишүүн асан Г.Солтан/950сая/- Нийтийн албанд томилогдох эрхийг 5 жилийн хугацаагаар хасч, 3 жилийн хугацаагаар хорих ял шийтгэж, уг ялыг нээлттэй хорих байгууллагад эдлүүлэхээр шийдвэрлэсэн.

УИХ-ын гишүүн асан Б.Батзориг/1,4тэрбум/ - гэм буруутайд тооцож, нийтийн албанд 5 жил ажиллах эрхийг хасаж ердөө 40 сая төгрөгөөр торгох шийдвэрийг гаргасан. Сайдын эрх мэдлээ урвуулан ашигласан гишүүдэд зээл олгох гол нөхцөлийг бүрдүүлж 8,6 тэрбум төгрөг, өөртөө 1,4 тэрбум төгрөгийн зээл гаргуулсан түүнийг гэм буруутайд тооцсон хэдий ч шүүх ял эдлүүлэлгүйгээр өнгөрөөлөө.