1 сая орчим хүн Коронавирусын халдвар аваад байгааг тус улсын Ерөнхий сайд Борис Жонсон мэдэгдлээ. 12 дугаар сарын 27- ны өдрөөс 01 дүгээр сарын 02- ны өдрийн дотор 50 хүн тутмын 1 нь халдвар авсан тооцоо байна. Өнгөрөгч Мягмар гарагт 60,916 хүн халдвар авсан байна. Өнөөдөр эмнэлэгт тус халдварыг авч эмчлүүлж байгаа иргэдийн тоо коронавирусын эхний үе шаттай харьцуулахад 40 хувиар нэмэгджээ.

Их Британид коронавирусын улмаас 76,305 хүн амь насаа алдаад байна. Тус улсын Эрүүл мэндийн статистикийн мэдээллээс харахад, коронавирусын халдвар сүүлийн 2 долоо хоногийн хугацаанд 70 хувийн өсөлтөд хүрчээ. Иймээс англичууд гэрээсээ гарсан тохиолдолд халдвар авах эрсдэл маш өндөр болсныг тус улсын засаг захиргааны байгууллагууд анхааруулсаар байна.