Улсын хэмжээнд шатахууны нөөц багассан, зарим газар тасарсан, үнэ огцом нэмэгдсэний улмаас Арвайхээр сум дахь 10 гаруй шатахуун түгээх станц ачаалал ихтэй ажиллаж байна.

Одоогоор “Шунхлай”, “Сод Монгол”, “Жаст-Ойл”, “Тэс петролуим” ШТС-ууд А-92 бензинийг 2100 төгрөгөөр зарж байгаа бөгөөд дараалал ихтэй байгаа тул мөнгөн дүнгээр үнийн хязгаарлалт тавин борлуулж байгаа аж.

Харин дараах шатахуун түгээх станцуудад А-92 бензиний үнэ өнөө өглөө нэмэгджээ.Тодруулбал, ”Идэрийн ундраа” ШТС-д 2280, “Хүннү” ШТС-д 2350, “Шивээт Хужирт” ШТС-д 2400, “Арвайн сод ундарга” ШТС-д 2280, “Эх нутгийн буян” ШТС-д 2280 төгрөгийн ханштай байна. “Бензиний нийлүүлэлт зогссоноос нөөцийн хомсдолд орж байна.

Улаанбаатар хотоос шагийн бензин авахад 2250 төгрөг болсон. Цаашид бензиний үнэ 2600 төгрөг хүрнэ” хэмээн ШТС-ын эзэд ярьж байна.