Нийслэлийн цагдаагийн удирдах газрын Шөнийн эргүүлийн алба хаагчид үүрэг гүйцэтгэж байхдаа хүний амь аварчээ.

Тодруулбал, Шөнийн эргүүлийн алба хаагчид эргүүлийн үүрэг гүйцэтгэж байхдаа 02 цаг 30 минутын үед Сонгинохайрхан дүүргийн 2 дугаар хороонд оршин суух иргэн М-ийн бие муудаж, ухаан алдаж унасан байсныг олжээ. Улмаар дүүргийн Нэнгдсэн эмнэлэгт хувийн машинаар хүргэн өгч, эмнэлэгийн тусламжийг цаг алдалгүй авахад тусалсан байна. Тус иргэн нь нойр булчирхайн үрэвсэл, ходоодны түгжрэл онош тогтоогдсон бөгөөд эмчилгээ хийлгэж байгаа аж.