Байгаль орчин, аялал жуулчлалын Сайд Б.Бат-Эрдэнэ, Сэлэнгэ аймгийн Засаг дарга болон “Оюу толгой” ХХК, “Эрдэнэт үйлдвэр” ТӨҮГ-тай байгуулсан гэрээний дагуу 2023 онд Засгийн газрын 2020-2024 үйл ажиллагааны мөрийн хөтөлбөр, “Нөхөн сэргээлт-2024“, “Тэрбум мод” үндэсний хөдөлгөөний хүрээнд Сэлэнгэ аймгийн Ерөө сумын Ялбагийн хөндий орчмын эвдэрч, эзэнгүй орхигдсон 398.7 га талбайд Бугант нандин ХХК, Үзэгт дэлгэрэх ХХК, Могойн гол-1, Могойн гол-2, Харганатын ам, Цамхагийн гол, Угтаал гол, Гозонгийн ам, Өвөрзалаат зэрэг 7 байршлын 1229.8 га талбайд Жинжий майнинг ХХК, Тотал дистрибьюшн ХХК-иуд техникийн нөхөн сэргээлтийг бүрэн хийж гүйцэтгэлээ.

Аймаг, нийслэлийн байгаль орчин, аялал жуулчлалын газрууд 2023 онд салбарын Улсын ерөнхий байцаагчийн баталсан 01/10 тоот “Авто замын өргөтгөл, шинээр барих, геологи, уул уурхайн үйл ажиллагаанаас эвдэрсэн газрын нөхөн сэргээлт хийсэн байдалд урьдчилан сэргийлэх хяналт шалгалт хийх тухай” удирдамжийн хүрээнд 255 аж ахуйн нэгжийн уулын ашиглалтын төлөвлөгөөнд тусгагдсан 420.13 га-д техникийн нөхөн сэргээлт, 190.5 га-д биологийн нөхөн сэргээлтийн байдалд Улсын /ахлах/ байцаагч нар хяналт тавин ажиллалаа.

Эх сурвалж: БОАЖЯ