Монгол Улсад Швейцарын Холбооны Улсын Ерөнхийлөгч Виола Амхерд төрийн айлчлал хийнэ
Монгол Улсын Ерөнхийлөгч Ухнаагийн Хүрэлсүхийн урилгаар Швейцарын Холбооны Улсын Ерөнхийлөгч Виола Амхерд 2024 оны 8 дугаар сарын 02-04-ний өдрүүдэд Монгол Улсад төрийн айлчлал хийнэ.
Уг айлчлал нь энэ онд тохиож буй Монгол Улс, Швейцарын Холбооны Улс хооронд дипломат харилцаа тогтоосны 60 жилийн ойн хүрээнд хэрэгжих бөгөөд Монгол Улсад швейцарын талаас Төрийн тэргүүний түвшинд хийж буй анхны төрийн айлчлал юм.
Айлчлалын үеэр хоёр улсын Төрийн тэргүүн нар албан ёсны хэлэлцээ хийж, хоёр талын харилцаа, хамтын ажиллагааг бэхжүүлэн өргөжүүлэх талаар ярилцана. Мөн хоёр орны харилцааг бэхжүүлэх, хамтын ажиллагааг харилцан сонирхсон салбаруудад өргөжүүлэн гүнзгийрүүлэхэд чиглэсэн баримт бичгүүдэд гарын үсэг зурна.
Монгол Улс, Швейцарын Холбооны Улс 1964 оны 5 дугаар сарын 22-ны өдөр дипломат харилцаа тогтоосон.
Нийтэлсэн: Монгол Улсын Ерөнхийлөгчийн Тамгын газрын Хэвлэл мэдээллийн алба
.jpg)
Сэтгэгдэл
Иоэхгүй байгаагийн ЦААНА юү байнаа? [103.57.93.127] 2024-07-31 23:51:56
Монголын 2 дахь нүүр царай тодорч 2 хөршийг мань бидний талаар их эвгүй дүгнэлт хийхэд хүргэхэндээ. Польш, Герман, Франц, Америк, Швейцарын төрийн томчууд Монголд ойр ойрхон ирээд явлаа. Японых удахгүй ирнэ гэсэн. Гэтэл 2 хөршийн томчуул манайд ойрд ирэв үү? ҮГҮЙ.
Зочин [202.55.188.110] 2024-07-30 20:09:44
Эн юу гэж доншуучилж яваа юм!?