Улаанбурхан өвчний зөөвөрлөгдсөн дөрөв дэх тохиолдол лабораториор батлагдсан талаар Халдварт өвчин судлалын үндэсний төвөөс мэдээллээ.

Уг батлагдсан тохиолдол нь 2025 оны хоёрдугаар сарын 8-ны өдөр шөнийн 1.00 цагт Вьетнам Хо Ши Мин-Улаанбаатар чиглэлийн "МИАТ-OM712" нислэгээр ирсэн зорчигчдоос бүртгэгдэж буй улаанбурхан өвчний хоёр дахь тохиолдол юм.

Иймд дээрхи нислэгээр ирсэн зорчигчид ХӨСҮТ-ийн Яаралтай тусламжийн тасгийн нэг болон хоёрдугаар өрөөнд өглөө 08:30 цагаас 22:30 цаг хүртэл үзлэг шинжилгээ, дархлаажуулалтад яаралтай ирж хамрагдахыг албаныхан зөвлөж байна. Тодруулах зүйлсээ 89016199 утсаар холбогдоно уу.