Өнөөдөр Нийслэл дэх Захиргааны хэргийн анхан шатны шүүхэд "Ноён уулаа аврах хөдөлгөөн” НҮТББ-ын нэхэмжлэлтэй Ашигт малтмал, газрын тосны газрын Кадастрын хэлтэст холбогдох шүүх хуралдааныг урьдчилсан хэлэлцүүлгийн шүүх хурал өглөө 9:30 цагт эхэлсэн. Шүүх хуралдаан дөнгөж сая шүүгчийн шийдвэрээр гуравдугаар сарын 1-ныг хүртэл дахин хойшиллоо. Өмнө нь Улсын дээд шүүхээс анхан шатны шүүх руу буцаах шийдвэр гаргаж байсан юм.

Шүүх хуралдаанд нэхэмжлэгч "Ноён уулаа аврах хөдөлгөөн” "Ноён уулаа аврах хөдөлгөөн” НҮТББ-ын итгэмжлэгдсэн төлөөлөгч П.Шижээравдан, Ж.Ганбаатар, нэхэмжлэгчийн өмгөөлөгч Г.Батбаяр, хариуцагчийн итгэмжлэгдсэн төлөөлөгч Ж.Батмагнай, М.Батбаяр, Г.Эрдэнэболд, гуравдагч этгээдээр "Сентеррагоулд монголия” ХХК-ийн итгэмжлэгдсэн төлөөлөгч Д.Алтансүх, Монгол Улсын Засгийн газрын итгэмжлэгдсэн төлөөлөгч Уул уурхай, хүнд үйлдвэрийн яамны Төрийн Захиргааны удирдлагын газрын Хуулийн хэлтсийн мэргэжилтэн Т.Мөнхбаяр, Д.Жадамба, иргэдийн төлөөлөгч Ч.Батчулуун нар оролцсон байна.