УИХ-ын найман байнгын хорооны даргыг хаврын чуулганаар солино. Байнгын хороодын дарга нарыг нэг жил ажиллуулаад сольдог. Тэгэхээр Аюулгүй байдал гадаад бодлогын байнгын хорооны дарга О.Содбилэг, Байгаль орчин, хүнс хөдөө аж ахуйн байнгын хорооны дарга Л.Элдэв-Очир, Нийгмийн бодлого БСШУ-ны байнгын хорооны дарга Ё.Баатарбилэг, Хууль зүйн байнгын хорооны дарга Ш.Раднаасэд, Төрийн байгуулалтын байнгын хорооны дарга Д.Лүнджээжанцан, Төсвийн байнгын хорооны дарга Б.Чойжилсүрэн, Эдийн засгийн байнгын хорооны дарга Д.Дамба-Очир нарын ажиллах хугацаа дууссан учраас солих юм. УИХ дахь МАН-ын бүлгийн дарга Д.Тогтохсүрэнгээс энэ талаар тодруулахад “Хаврын чуулганы хамгийн эхэнд байнгын хорооны дарга нарын асуудлыг хэлэлцэнэ” гэсэн юм.