Монголын уул уурхайн үндэсний ассоциацийн гишүүдийн санаачилгаар маргааш буюу дөрөвдүгээр сарын 3-ны өдөр “Зогсох эрхгүй 24 цаг” хөдөлгөөнийг зохион байгуулахаар болжээ.

Хөдөлгөөнөөр уул уурхайн салбар эдийн засгийн зогсож болзошгүй нэг хэсэг гэдгийг макро болон микро түвшинд хийсэн судалгаа, статистик мэдээлэлд тулгуурлан олон нийтэд цэгцтэй, тодорхой мэдээллээр хүргэх, таниулах зорилготой.

Нэг хоногт буюу 24 цагт зөвхөн тус салбараас 8.1 тэрбум төгрөг төвлөрүүлжээ.

Нэг хоног буюу 24 цагийн дотор уул уурхайн салбар эдийн засагт хэдий хэмжээний үр өгөөж өгдөг талаар салбар яам, агентлаг болон Үндэсний статистикийн хорооны тооцоолж гаргасан мэдээллийг нийгмийн сүлжээ ашиглан олон нийтэд хүргэнэ.

Тухайлбал он гарсаар эхний хоёр сарын дүнгээр уул уурхайн салбараас улсын төсөвт 478 тэрбум төгрөгийг татвар, хураамж хэлбэрээр төвлөрүүлсэн бөгөөд нэг хоногт буюу 24 цагт зөвхөн тус салбараас 8.1 тэрбум төгрөг төвлөрүүлжээ.

Энэ мөнгөөр 1000 хүүхдийн цэцэрлэг барьж болохоос гадна 10 хувийг уул уурхайн салбарын нийгмийн даатгалын шимтгэлээс төвлөрүүлж үүгээр 37720 төрийн албан хаагчийн нэг сарын цалин, 70887 өндөр настны нэг сарын тэтгэврийг өгч болно гэдгийг Монголын уул уурхайн үндэсний ассоциацийн гүйцэтгэх захирал Д.Энхболд онцолжээ.