Нийслэлийн давж заалдах шатны шүүхэд НИТХ-ын төлөөлөгч Ц.Сандуй, А.Ганбаатар нарт холбогдох хэргийг шүүх хурал өнөөдөр болно. Шүүхээс дөрвөн жилийн хорих ял сонссон А.Ганбаатар, Ц.Сандуй нар давж заалдах хүсэлтээ шүүхэд хүргүүлсэн. Тиймээс давж заалдах шатны шүүх тэдэнд ял оноосон нь үндэслэлтэй эсэхийг хэлэлцэх юм. Уг хуралд Ц.Сандуй, А.Ганбаатар нар цахимаар оролцох юм байна. Тэдний өмгөөлөгчөөр М.Ариунболд, Б.Мэргэн, Э.Хашчулуун, Г.Мөнхбат, Т.Дэлгэрбаяр, Д.Дашдамба нар ажиллаж байгаа аж.