Улаанбаатар /МОНЦАМЭ/. МУИС-ийн номын сан оюутнуудад зориулан шалтгалтын үеэр буюу энэ сарын 23-27-ныг дуустал 24 цагаар ажиллаж байна.

Энэ хугацаанд “Номын сангийн нэг цэгийн үйлчилгээний хэсэг” 24 цагаар ажиллах бөгөөд цаашид номын сангийн ажиллах цагийн хуваарийг уртасгахаар хэд хэдэн ажлыг санаачлаад байгаа аж.

Тус сургуулийн шинэ номын санг 2017 оны 10 дугаар сарын 5-нд нээсэн. Энэхүү номын сан 360 000 гаруй хэвлэмэл болон цахим ном, сонин, сэтгүүлийн сан хөмрөгтэй. 1000 орчим CD, зохиогчийн эрхтэй 20 гаруй цахим ном, 2000 орчим магистрын ажил, олон улсын 16 онлайн мэдээллийн санг ашиглах боломжтой цахим уншлагын танхимтай юм.

Эх сурвалж: Монцамэ агентлаг