Улсын хэмжээнд 2021 оны 11 дүгээр сарын 18-ны өдрийн байдлаар “КОВИД-19”-ийн эсрэг вакцины нэгдүгээр тунд зорилтот бүлгийн 95.8 хувь нь хамрагдаад байна.

ХӨСҮТ-ийн мэдээлснээр, зорилтот бүлгийн 91.1 хувь нь хоёрдугаар тунд, 26.4 хувь нь гуравдугаар тунд хамрагдаад байна. Харин нийт хүн амын 69.4 хувь нь нэгдүгээр тунг, 66 хувь нь хоёрдугаар тунг, 17 хувь нь гуравдугаар тунг тариулаад байна.

Өссөн дүнгээр дархлаа сэргээх нэмэлт тунд 542 480 хүн хамрагдсан байна. Өссөн дүнгээр нэгдүгээр тунд 6 340 жирэмсэн эмэгтэй, 7 133 хөхүүл эмэгтэй, 12-15 насны 179 674 хүүхэд, 16-17 насны 76 066 хүүхэд хамрагдаад байна.