Голомт банк, Худалдаа хөгжлийн банк хамтран АТМ төхөөрөмжийн шимтгэлээ буурууллаа

Голомт банк болон Худалдаа хөгжлийн банк харилцагчийн үйлчилгээний нөхцөлийг сайжруулах зорилготой хамтын ажиллагааны санамж бичиг байгууллаа. Санамж бичигт Голомт банкны Мэдээллийн технологи хариуцсан захирал М.Сайнбилэг болон Худалдаа хөгжлийн банкны Гүйцэтгэх захирлын орлогч П.Мөнхнаст нар талуудыг төлөөлөн гарын үсэг зурсан юм.
Энэхүү санамж бичгийн хүрээнд зарлагын гүйлгээний шимтгэлийг багасгаж, хоёр талын өөртөө үйлчлэх банкны төхөөрөмж /ATM, CDM, CRM/ дээр бэлнээр зарлага гаргахад шимтгэл 500₮ байсныг 100₮ болгон бууруулаад байна. Өөрөөр хэлбэл Голомт банкны харилцагч Худалдаа хөгжлийн банкны ATM төхөөрөмжөөс эсвэл Худалдаа хөгжлийн банкны харилцагч Голомт банкны ATM төхөөрөмжөөс бэлэн мөнгө авахад дээрх үнийн дүнгээр шимтгэл төлөх боломжтой боллоо.
Бид энэ удаагийн үйл явдлаар харилцагч төвтэй банкны үйлчилгээг өргөжүүлэхэд нээлттэй, уян хатан хамтын ажиллагааг хэрэгжүүлж, салбарын хөгжилд хамтран хувь нэмрээ оруулахаар зорьж байна. Цаашлаад банк хоорондын үйлчилгээний чанарыг сайжруулах, нийт харилцагчдын сэтгэлд нийцсэн үйлчилгээг үзүүлэхэд чиглэсэн олон асуудлууд дээр хамтран ажиллахаар төлөвлөж буй юм.
Санамж бичигтэй холбоотой гүйлгээний шинэ өөрчлөлтүүд хоёр талын үндсэн системд амжилттай хийгдэж дууссан ба хэрэглээнд нэвтрээд байгаа юм. Ийнхүү шимтгэлийг бууруулснаар харилцагчид Улаанбаатар хот болон орон нутагт байрлах Худалдаа хөгжлийн банкны нийт 290, Голомт банкны нийт 410 ATM төхөөрөмжөөр хөнгөлөлттэй нөхцөлөөр гүйлгээ хийх боломж бүрдэж, харилцагчийн сэтгэл ханамж болон банкны үйлчилгээний хүртээмж илүү сайжирна гэж үзэж байна.
Харилцагч танд зарлагын шимтгэлтэй холбоотой тодруулах зүйл гарвал Голомт банкны лавлах 1800-1646 болон Худалдаа хөгжлийн банкны лавлах 1800-1977 дугаарт холбогдоно уу.
Г.Хонгор: Дандаа зоосны нүхээр хардаг харилцаа хавтгайрчихсан болохоор хүмүүс төрөхөөс айж байна
Интерполоор эрэн сурвалжлагдаж байсан этгээдийг Киргиз улсаас баривчиллаа
Хүнс, хөдөө аж ахуй, хөнгөн үйлдвэрийн салбарынхныг төрийн дээд цол, одон, медалиар шагналаа
Д.Трамп: Ахиц дэвшил гарахгүй бол Украины энхийн хэлэлцээнээс АНУ гарна
“Цагаан алт” үндэсний хөтөлбөрийн дүнд жилд хоёр сая гаруй хос гутал үйлдвэрлэдэг болно
Хот орчмын чиглэлийн үйлчилгээнд 10 шинэ автобус явуулна
Чухал ашигт малтмалын эрэлт 2040 онд гурав дахин нэмэгдэнэ
Засгийн газар 10 тэрбумын дотоод бонд арилжаалж, хоёрдогч зах зээлийн арилжааг эхлүүлэв
Монгол Улсын Их Хурлын сонгуулийн тухай хуульд өөрчлөлт оруулах тухай хуулийн төслийг баталлаа
Нэг настай хүүхдэд элэг шилжүүлэн суулгах мэс засал амжилттай хийлээ