Норвегийн Бизнесийн Сургуулийн уур амьсгалын стратеги судлалын профессор Жорген Рандерс, Дэлхийн ирээдүйг шинжлэх ухааны үүднээс урьдчилан таамагласан бүтээлдээ 30 гаруй эрдэмтэд, эдийн засагчдын судалгааг багтаан ухаалаг, гярхай ажиглалт, дүгнэлтийг өгчээ.

Хятадын улсын ирээдүйн тухай өгүүлсэн нь (тойм)

• 2052 оны даяарчлагдсан цахимжсан бусад соёл, иргэншлүүдтэй харьцуулахад Хятад улс нийгмийнхээ хүрээнд олон соёлын хэв маягтай байна. Хятадын хүн амын дийлэнхийг Хан үндэстэн эзлэх нь ямар нэгэн байдлаар элсэн орох боломжгүй, зөвхөн ураг төрлийн ясан холбоонд төрсөн хүмүүс байна.
• 200 сая Хятадууд эх нутгаасаа гарч амьдрах ч соёлын хэв шинжээ хадгалж Хятад гэдэг нэршлээ алдахгүй. Дэлхийн өнцөг булан бүрд өндөр чанартай боловсрол эзэмших, олон улсын худалдааны бүх түвшинд оролцох, хөрөнгө оруулдаг уламжлалаа хадгалсан хэвээр байна.
• Хан үндэстэн биш л бол хятадын иргэншилд бусад иргэншил байр сууриа тогтоож чадахгүй.
• Хятад улс дэлхийн эдийн засгийн томоохон хэсгийг эзлэх ба эдийн засаг, технологийн эрчтэй хүч болон соёлын аажуу нөлөөллөө дэлхийд батжуулсан хэвээр байна.
• Газрын ховор элементийн нөөц, үйлдвэрлэлд давамгайлсан нөхцөл нь техноэдийн засгийн загвар дахь Хятад улсын хувьд стратегийн гол хүч, өмч бөгөөд батарей, ухаалаг төхөөрөмжүүд, электрон мотор, хөдөлгүүр, ухаалаг утас зэрэг шинээр амьдралд нэвтэрсэн зүйлсийг үйлдвэрлэхэд шаардлагатай түүхий эд юм.
• 2052 онд Хятад/Зүүн Азийн технологийн шийдлээс олон орнууд эрчим хүчний системийн хувьд хамаарах улсуудын улс төрчдийн халуун сэдэв байх болно.
• 2052 онд дэлхийн олонх улсуудын хувьд Хятад төвтэй эдийн засагтай болох ба нөөцийн хувьд баялаг, стратегийн байршил дахь улс гүрнүүдэд илүү хамааралтай төдийгүй Хятадын зүгээс эдгээр улс гүрнүүдтэй харилцах харилцаа нь эрт үеэс уламжилж ирсэн алба гувчуурын системтэй ижил төстэй зарчим үйлчилнэ.
• Улс төр, эдийн засгийн янз бүрийн хоёр талт хамтын ажиллагааны төрөл бүрийн хэрэглүүр, соёлын солилцоо, тэтгэлэгт хөтөлбөр, судалгаа, шинжилгээний хөтөлбөрүүд, давуу тал олгох худалдаа арилжааны гэрээ хэлэлцээр, гадаад дахь хөгжлийн тусламж зэргийг ашиглан улс гүрнүүдийн уялдаа, эдийн засгийн харилцааг сайжруулан нийгэм соёлын төв болох уламжлалт бодлогоо хэрэгжүүлнэ.
• Хятад улс санхүүгийн өвөрмөц хуримтлал нөөцөө бусад улс гүрнүүдэд тухайн зах зээл дэх харьцангуй сайн нөхцөл болон улс төрийн бодлоготойгоор зээлдүүлэх замаар ашиглана. Гадаадад нийтийн эзэмшлийн газар, дэд бүтцийн салбарт ихээхэн хөрөнгө оруулалт хийх ба улмаар зарим улсад ширүүн сөргөлдөөн бий болгосноор дэлхийд эзлэх байр суурийг нь бэхжүүлэх томоохон үсрэлт болно.
• 2052 онд Хятадын хойд хэсэгт хүчтэй ган болно.