Анх удаа орон сууц худалдаж авсан болон сургалтын төлбөр төлсөн татвар төлөгч хувь хүний орлогын албан татварын буцаан олголт эдэлдэг болсон билээ.

Тодруулбал, Татварын шинэчилсэн хуулиар орон сууц худалдаж авсан иргэн 6 сая хүртэлх төгрөгийн буцаан олголт авдаг болсон юм.

Тэгвэл энэ оны нэгдүгээр сарын 1-нээс материал өгсөн орон сууц худалдан авсны болон оюутны сургалтын төлбөрийн буцаан олголтыг хэзээ олгох талаар Хан-Уул дүүргийн татварын хэлтсээс тодруулахад "ХХОАТ-ын хөнгөлөлт, буцаан олголт 5 дугаар сарын эхний долоо хоногт орно" гэсэн албаны мэдээллийг өглөө.