Т.Батцогт: “Z” үеийнхний онцлогт нийцэхүйц боловсролын систем нэвтрүүлэх цаг ирээд байна

Aдмин / Боловсрол

Улстөр, нийгмийн амьдралд түүчээлж яваа залуу лидерүүд боловсролын системийн асуудлаар сүүлийн жилүүдэд хүчтэй дуугарах болсон. Тэдний нэгэн төлөөлөл болох НИТХ-ын төлөөлөгч Т.Батцогттой ярилцлаа. Бидний ярианы сэдэв боловсролын системийн алдаа хийгээд түүнийг засаж, сайжруулах гарц гаргалгааны талаар байв.

-Боловсролын системийн алдаа, оноог таны үеийнхэн хамгийн сайн мэддэг нь анзаарагддаг юм. Ёстой л “хатуу гараар” боловсрол эзэмшсэн хүний төлөөлөл нь Та байх, тийм үү?

-Тийм шүү. Би боловсролын хоёр систем дамжсан хүн шүү дээ. 1993 онд боловсролын системд эрс өөрчлөлт орж IV анги хүртлээ уйгаржин Монгол бичгээр бүх хичээлээ үзэж байсан юм. Үүний цаана энэ шилжилт нь өөрөө ямар хэрэгцээ, шаардлага байсан бэ гэдэг асуудал, бас сургалтын арга барилын хувьд онц сурах ёстой, цэх суух ёстой, анги дотроо сайн, муугаараа ялгуулдаг, багшийн угасканы үзүүрээр тоншуулж сурдаг байсан үе юм даа.

-Одоо ч сургалтын энэ арга барилын улбаа үргэлжилсээр байгаа шүү дээ. Онолын сургалт түлхүү орж, хүүхдүүдийг бие дааж сурахад төдийлөн анхаардаггүй тогтолцоо амь бөхтэй оршиж байна гээд шууд хэлчихэж болно. Гэтэл 1995 оноос хойш төрсөн, технологийн эринд хүмүүжиж буй хүүхдүүд буюу “Z” үеийнхэн онцлог ихтэй. Та юу гэж бодож байна вэ?

-Тиймээ, санал нэг байна. Нийгмийн хөгжил, цаг үеийн онцлогтоо нийцэн өөрчлөгдөж байх ёстой салбар бол боловсролын салбар. Магадгүй бүр нэг алхмын өмнө алхаж байх ёстой. Судлаачдын үзэж буйгаар 1995 оноос хойш төрж байгаа хүүхдүүд сэтгэхүйн хувьд тэс өөр, тэдэнтэй харилцах арга барил өөр байх тухай эцэг, эхчүүдэд зөвлөж байна. Тэд илүү индивидуалист үзэлтэй бөгөөд нэгэн хэвийн тогтсон зүйлээс зайлшхийдэг зэрэг онцлогтой байдаг байна.

-Тийм учраас өнөөгийн боловсролын системд Та шүүмжлэлтэй ханддаг байх нь ээ. Манай боловсролын тогтолцооны алдаа юунд байна вэ, таныхаар?

-Хувь хүнийхээ байр сууринаас өнөөдрийн боловсролын системд багагүй шүүмжлэлтэй ханддаг. Яагаад гэхээр, манай боловсролын систем, хүүхдүүдийг сургаж буй арга барил хоцрогдсон санагддаг юм. Боловсролын байгууллага гэдэг нэг төрлийн үйлчилгээний салбар шүү дээ. Гэтэл өнөөдөр хэрэглэгчийнхээ хүсэл, сонирхол, онцлогт нийцэхгүй үйлчилгээгээ хүчээр “шахаж” байна гэсэн үг. Зургаан настнуудыг I ангид элсүүлээд тоо бодох, уншиж сурахыг шахчихдагийг эцэг, эхчүүд мэднэ. Сүүлийн жилүүдэд XII анги төгсөж, ЭЕШ өгч байгаа сурагчдын дундаж оноо буурч байгаа. Анги ахих тусам хүүхэд хичээлдээ сонирхолгүй болж байна гэж харж болохоор байгаа биз. Энэ мэтчилэн асуудал олон бий. Гэхдээ Харвард, Кэмбрижийн боловсролын систем гэхээс илүүтэйгээр бодит Монгол хүүхдэдээ, Z үеийнхэндээ нийцэхүйц системийг бий болгож, нэвтрүүлэх цаг ирээд байна.

-Өнөөдрийн эцэг, эхчүүдэд тулгарч буй бэрхшээл яг ижил байгаа байх. Хүүхдийнхээ гэрийн даалгаврыг хийлгэхийн тулд орой бүр “үзэж тарж” байгаа шүү дээ. Та яаж байна.

-Яг л бусдын л адил. Манайх бага ангийн хоёр ч сурагчтай. Орой бүр л гэр бүлийн хэмжээнд бяцхан асуудал үүснэ. Хүүхдийнхээ их даалгаварыг хийлгэхгүй байх хэцүү, хүчлээд шахаад байх хэцүү. Эхнэр бид хоёрын хувьд өдөр болгоны бяцхан тохиролцоо болж өнгөрдөг дөө.

-“Таван настнуудын нууцлаг ертөнц” гэх телевизийн нэвтрүүлгийг үзэж байхдаа “Энэ хүүхдүүдэд онолын хичээл заавал хүлээж авах болов уу” гэж бодож байсан удаатай. Тэд “Z” үеийнхэн шүү дээ.

-АНУ-ын хүн амын тооллогын агентлагийн мэдээллэснээр "Z" үеийнхэн одоогийн байдлаар тус улсын хүн амын 26 хувийг эзэлж, энэ үеийн төлөөлөгчид 2020 он гэхэд дэлхийн хүн амын гуравны нэгийг эзлэнэ гэсэн байдаг. Хүн төрөлхтний ирээдүй “Z” үеийнхэн рүү шилжиж байна гэсэн үг. Тэгэхээр бид ч гэсэн одооноос тэдний онцлогт нийцэж, тэднийг ойлгож, дэмжиж ажиллаж, амьдрах хэрэгцээ, шаардлагатай нүүр тулж байна. Тиймээс хамгийн түрүүнд боловсролын салбарын тогтолцоог өөрчлөх шаардлагатай гэж би хардаг юм. Учир нь “Z” үеийнхний онцлог, тэд бол хүн төрөлхтний түүхэнд шинэ үе гэдгийг бид шинжлэх ухааны үндэслэлтэй мэдээллүүдийг маш олон янзаар авч байна шүү дээ.

Манай боловсролын систем одоо хэт албадлагын, тогтсон хэв маягтай, онолын хичээлүүдээр шахсан байдалтай байгааг хэн хүнгүй мэдэж байгаа байх. Гэтэл суурь боловсрол өөрөө хүүхдийг хувь хүн болох, мөн шинжлэх ухааны мэдлэгийг хэрхэн эзэмших арга барилд суралцуулсан, арга барилыг эзэмшүүлсэн байх ёстой. Амьдрах ухааны болоод цаашид сурч хөдөлмөрлөх арга барилаа эзэмшчихсэн, төлөвшсөн хувь хүн, иргэн бол нийгэмд өөрийн байр сууриа авч яваад, улс орноо хөгжүүлэх чадамжтай байх нь дамжиггүй.

Ер нь бидний ирээдүй болсон “Z” үеийнхний онцлог ч ийм. Тэд хэтэрхий хэв маягт баригдах бус өөрсдийн хүсэл сонирхлоор өөрийгөө хөгжүүлэх, амьдралын хэв маягийг илэрхийлдэг, илүү даяарчлагдсан сэтгэлгээтэй байдаг. Бид яг үүнд нийцэж ажиллах шаардлагатай юм.

-Ийм өөрчлөлт хийхийн тулд салбарын яамнаас баталсан сургуулийн хөтөлбөр, хөтөлбөрийг хэрэгжүүлэх үүрэгтэй багш нарын заах арга барил, хандлагыг өөрчлөх шаардлага нэн тэргүүнд гарах байх?

-Тэгэлгүй яахав. Багш, багшлах боловсон хүчин бол манай боловсролын байгууллагын хөдөлгөх хүч, мотор л гэсэн үг шүү дээ. Тиймээс бид чадварлаг, төлөвшсөн боловсон хүчин бэлтгэе гэвэл хамгийн түрүүнд багш нарынхаа ур чадвар, сэтгэлгээнд анхаарал хандуулах ёстой юм. Өнөөдөр мэдээллийн эрин зуун, технологийн дэвшилт дунд амьдарч байгаа хүүхдүүдэд зааж, сургах, үлгэрлэх ёстой багш нар маань хүүхдүүдээсээ хоцрогдсон сэтгэхүй, хандлагатай байж болохгүй. Төрөөс багш нарын тасралтгүй хөгжих, сурах бололцоог хангаж, орчин нөхцөлийг бүрдүүлж байх үүрэгтэй. Манайд боловсролын системийн асуудал гэхээр л багш нарын цалин, нийгмийн хангамжийн асуудлыг ярьдаг. Яалт ч үгүй нэн тэргүүний асуудал багш нарын цалин, хангамжийг нэмэгдүүлэх ёстой гэдэгтэй маргах хүн байхгүй. Тийм ч учраас уг асуудлыг шийдэхээр үе үеийн Засгийн газар нөөц, боломждоо тулгуурлаж шийдвэр гаргасаар л байдаг шүү дээ. Тэгэхээр бид дараагийн түвшний асуудлыг хөндөх учиртай юм. Энэ бол манай багш нарын сэтгэлгээ, хандлага. Уг асуудлыг шийдвэрлэхэд холоос хайгаад л, хэдэн арван жил судлах мэтээр хүндрүүлэх шаардлага байхгүй гэж үздэг юм, би.

-Тодруулахгүй юу.

-Гадаадын улс орнууд хүүхдүүдээ бие дааж сургах, гол нь хүн байх ухаанд сургаад хэдийнэ эхэлчихсэн. Яг тэр жишгийг манай хувийн хэвшлийн сургууль, цэцэрлэгүүд нэвтрүүлж эхлээд байна.

Манайд нэгэнт ороод ирчихсэн сургалтын сайн хөтөлбөрүүд бий. Хувийн хэвшлийн сургуулиуд бодитойгоор хэрэгжүүлээд өндөр үр дүн гаргаж байна шүү дээ. Мэдээж хүн бүр л үр хүүхдэдээ сайн боловсролыг олгохыг хүснэ. Энэ ч үүднээсээ боловсролын салбарт хувийн хэвшлийн оролцоо, манлайлал өндөр болж байна. Гэхдээ нэг асуудал бий. Тэр нь хүүхэд бүрт тэгш боловсрол хүртээх явдал.

-Үүнийг л асуух гээд байлаа. Гэтэл хүүхдүүдээ өндөр төлбөртэй хувийн сургуульд сургах боломж бололцоотой хүн өнөөдөр тун цөөн байна шүү дээ. Төрийн зүгээс нэн тэргүүнд юу хийх ёстой гэж Та харж байна вэ?

-Хамгийн энгийнээр богино хугацаанд үр дүнг бодитойгоор харж болохуйц шийдэл бол бид төр, хувийн хэвшлийн хамтын ажиллагааг эхлүүлэх юм. Айлаас эрхээр авдраа уудал гэдэг шиг өнөөдөр сайн жишиг болсон хувийн хэвшлийн сургалтыг хөтөлбөрийг улсын сургуульд нэвтрүүлэх боломж бүрэн байгаа гэж харж байна.

-Ер нь бол хичээлийн хөтөлбөрт онолын сургалтыг илүү чухалчлаад практикт суралцуулах асуудлыг орхигдуулдаг нь шүүмжлэл дагуулдаг?

-Хүүхдэд онолын мэдлэг цуглуулахаас илүү амьдрах ухаанд суралцах нь чухал тухай дээр дурьдсан. Амьдралаас харахад өөрийн сонирхлыг олж, өөрийгөө хөгжүүлж чадсан хүүхдүүд илүү амжилтад хүрч чадсан байдаг. Тэгэхээр л бид хүүхэд бүрийг өөрөөр нь хөгжүүлэх, аль ч нийгэм, орчин, соёлд бие даан амьдрах чадамжтай хувь хүн, иргэнийг л суурь боловсролынхоо тогтолцоогоор бэлтгэн гаргах шаардлагатай байгаа юм л даа.

Ийм боловсролын систем, арга барилыг нийгэм өөрөө хүсээд байна шүү дээ. Үүний тод жишээ хувийн ЕБС-уудын зах зээлээс харж болно. Хүн бүр л талхны мөнгөө хэмнэж хүүхдээ хувийн сургуульд сургахыг хүсэж байна. Тэнд хүүхдийг нь хүн болгож төлөвшүүлж, хөгжүүлж чадаж байгааг эцэг, эхчүүд олж харчихаад хүүхдээ сургахаар тэмүүлж байна.

-Ийм өөрчлөлт хийхэд хөрөнгө, мөнгө их шаардагдах байх. Уг нь ДНБ-ий гуравны нэгийг боловсролын салбартаа зарцуулдаг олон улсын жишиг байдаг юм билээ. Манай улс ингэж чаддаг болов уу?

-Тийм. Гэхдээ төр ард түмнийхээ өмнө хүн бүрт тэгш эрх, боломж олгох үүрэг хүлээсэн. Тиймээс энэ өөрчлөлтийг хийхээс өөр замгүй. Бид маргаашдаа хөрөнгө оруулахгүй юм өөр юунд хөрөнгө оруулалт хийх вэ гэдгээ бодох л асуудал. БНХАУ л гэхэд бодлогоор “IT”-ийн нэг сая инженер бэлдэж байна. Дэлхий нийт зэвсгээр биш хүнээр өрсөлддөг цаг ирснийг Хятад улсын удирдагчид ойлгож байгаа биздээ.

Манайд төр, төрийн үйлчилгээ л гэхээрээ уян хатан бус, хэвшмэл ойлголттой байдаг. Тэгвэл төрийн үзүүлж чадахгүй байгаа боловсролын үйлчилгээг хувийн хэвшлийнхэн маш богино хугацаанд бий болгоод, хэрэгжүүлээд нөгөө талаас тэр нь хэрэглэгчдийн хүсэл, сонирхолд нийцээд байна. Тэгэхээр төр энэ өөрчлөлтийг хийх л ёстой.

Мөн энэ өөрчлөлт хийх тухай асуудал цоо шинээр хийх, суурь цутгаж байшин барих тухай асуудал биш. Одоо байгаа систем, тогтолцоогоо арга барил арга зүйн хувьд өөрчлөх тухай асуудал. Нэгдүгээрт, жишиг болсон сайн сургалтын хөтөлбөрийг түгээх, хоёрдугаарт багш, боловсрон хүчнүүдээ чадавхижуулах асуудал. Гэхдээ багш нараа чадавхижуулна гэдэг одоогийн жишиг гурван өдрийн вакум сургалт бас биш юм л даа. Ингээд ярьвал нарийн зүйлс их байнаа, ер нь л амьдралд ойрхон шийдвэр, бодлого байх тухай л яриад байгаа юм шүү дээ.

-Тэгэхийн тулд өнөөдрийн багш нараас гадна ирээдүйн багш нарыг бэлтгэх ажилд яг одооноос анхаарах шаардлага гарах байх аа?

-Мэдээж, багш боловсон хүчнийг чадавхижуулах асуудал нь одоо байгаагаа сургахаас гадна цаашид төрөх боловсон хүчний асуудал. Маш энгийн тодорхой жишээ хэлэхэд манай МУБИС элсэлтээ авахдаа босго онооноос гадна EQ-ийн шалгалт авдаг болох хэрэгтэй. Инженерийн сургуулиуд оюутан элсүүлэхдээ давхар мэргэжлийн ур чадварын шалгалт авдаг шүү дээ. Үүнтэй яг адил нинжин сэтгэлтэй, бүтээлч, эерэг хандлагатай, амьдрах чадвартай иргэн бэлтгэх багш өөрөө суурь хүмүүжилтэй, төлөвшилттэй байх тухай л санаа юм. Энэ өөрчлөлтийг эхлэх эсэх нь шийдвэр гаргах төвшний хүмүүсийн хандлагын л асуудал гэж би хардаг. Үүнд асар их хөрөнгө, мөнгө шаардлагагүй багахан зардлаар зохион байгуулалт, менежмент хийх л ажил гэж хардаг шүү.

-Өөрчлөлтийг яг өнөөдрөөс эхлүүлбэл хэдий хугацааны дараа бид “Z үеийн эрэлтэд нийцэх боловсролын тогтолцоотой болох бол?

-Энэ бол маш тодорхой, өнөөдөр эхэлбэл маргааш үр дүн нь харагдана. Яагаад гэвэл хоёулаа маш тодорхой бөгөөд энгийн шийдэл замуудыг ярилцлаа шүү дээ. Ер нь тэгээд аливаа өөрчлөлтийг хийхэд эхлэл л хамгийн чухал гэж боддог доо.


Сэтгэгдэл

Зочин [202.21.109.34] 2020-04-05 12:47:37

Зөв шүү. Дунд сургуулиа төгсөөд мэргэжлээ буруу сонгодог хүүхдүүд маш олон. Бидний үед ч тийм байсан. Энэ бол манай боловсролын системийн хор уршиг. Цаашлаад хувь хүний амжилт, бүр цаашлаад нийгмийн хөгжлийг сааруулах том хүчин зүйл болж байгаа. Нэн даруй өөрчлөх хэрэгтэй.

Zochin [66.181.161.34] 2020-04-05 10:50:06

Olon jil amidrald neg udaa ch hereg blohgui onol tomiyo 2oor balbuulsandaa. Amidral der harin amudralin uhaantai, huchirheg setgelzuitei ni sain ybj bna. Amidralin uhaanig ert zaabal olon hun tsag aldaj amidralaa urehguu uhaajij tolobshih bhaa

Иргэн [202.21.109.34] 2020-04-04 15:05:25

Хийсэн зүйлийг тань үнэлдэг хүмүүс маш олон байдаг шүү. Энэ эрчээрээ эх орон, иргэдийнхээ төлөө 2-гүй сэтгэлээр ажиллахыг хүсье.

Зочиг [202.21.109.34] 2020-04-04 15:01:04

Маш зөв сэдэв байна. Монголын боловсролын систем хэтэрхий их онол руугаа чиглэсэн хөтөлбөртэй. Тэгсэн хэрнээ хүүхдийн суурь хүмүүжил, спорт, урлаг зэрэгт гаргадаг цаг бараг байхгүй. Хичээлийн сэдвүүдээ дуусгах гэж жилжингээ нүдсээр байгаад л таардаг. Бүр уг үндсээр нь өөрчлөх цаг ирсэн. Дэмжиж байна. Ойлгохгүй уурлах хүмүүс олон байх нь ойлгомжтой. Аяаандаа бүгд баярлах болно. Шантралгүй зүтгээд байгаарай. Амжилт хүсье.

Зочин [202.55.188.40] 2020-04-01 07:57:08

Зөв л юм ярьж бна бас алсыг харж чадаж бна

Зочин [64.119.19.226] 2020-04-01 03:34:40

Боловсролын Яамны сайд болмоор бодогджээ дээ... сонгуулийн дараагаар, Гэхдээ Z үеийнхэн гээд л,,, судасаа бариулчихсан яриа байна

Lier [66.181.161.101] 2020-03-31 23:31:33

4 jil tag chimeegui suuchaad songuuli duhuud irheer end tend yariltslaga hiij yavah shivdee. Bzd iin 2, 21 horoonii irgediin tuluuluchuur songogdson yum bgaan chaavaas. Neg yum oruulaad shiidverluuleed hiichihlee gh yum bhgui nuhurduu. Muu gulug

Зочин [202.21.109.34] 2020-04-04 15:48:20

Chi chin harin uuruu ungurugch 4 jild haana yu hiij yavsan hun be. Songogdson horoogii ni ch zuv helj chadahgui haragdah yum. Tegchiheed bas ajliig ni yarichihjee. Cham shig l nuuree nuuj hunii ajliig shvvj suuh zavgui l ajillasandaa. Chamaig ene hunees iluug hiideg bolood ingej bichij baigaa gej naidya

Зочин [192.82.72.83] 2020-03-31 18:23:53

Уншиж байгаа зүйлээ маш сайн ойлговол хараал, ,доромжлол,зүй бус бухимдал хэрэггүй юмсан... Насанд хүрэгчдийн боловсрол маш чухал асуудал болжээ... Шинэ үеийн Монголчуудаасаа сонсож сурмаар байна даа.

Зочин [202.21.109.34] 2020-04-04 15:38:29

Harin tiim baina. Ner ni garahgui gesen shig zorgooroo bichitsgeeh yumaa. Amidral deeree ene hunees iluug hiideg l gej naidya.

зочин [182.160.39.122] 2020-03-31 16:44:52

Хуцаарай эргүү минь.

Зочин [139.5.216.73] 2020-03-31 15:24:37

Шаадагсдавэ

Зочин [202.9.46.132] 2020-03-31 13:23:50

Z ҮЕ МҮЕ ГЭХЭЭСЭЭ ӨМНӨ МОНГОЛЫНХОО ОНЦЛОГТ ТОХИРСОН, МАЛЧДЫН АМЬДРАЛД НИЙЦСЭН ЮМ ХИЙХЭЭ БОД Л ДОО. ХӨДӨӨНИЙ МАЛЧИН АЙЛЫН ХҮҮХДҮҮДИЙГ 6 НАСТАЙ СУРГУУЛЬД АВНА, ТЭГЭХИЙН ТУЛД БАС ЦЭЦЭРЛЭГТ ЯВСАН БАЙХ ЁСТОЙ ГЭЭД 5 НАСТАЙГААС НЬ ЭЭЖТЭЙ НЬ ТӨВД СУУЛГАЖ ЭЦГИЙГ НЬ ХӨДӨӨ ГАНЦААР ХӨХРӨХӨД ХҮРГЭЖ ГЭР БҮЛ ҮЙМҮҮЛЖ БАЙГАА ЭНЭ ЯМАР БОДЛОГО ВЭ

Зочин [202.21.109.34] 2020-04-04 15:22:59

Тэгвэл сургуульд сургахаа л больчих. Хүний өмнөөс хүүхдээ өсгөөд байгаа юмуу. Сургуулийн боловсролын систем ярьж байна. Яаж хүүхдийг чинь залхахгүй хичээлээ дуртай хийдэг, яаж өөрийгөа хурдан таньж мэддэг болох талаар ярьж байна.

Зочин [139.5.216.73] 2020-03-31 15:25:20

Малнуудад зориулсан бодлого

Зочин [64.53.234.130] 2020-03-31 12:43:29

X Y Z alfa ene ter gej medemhiirch soliorohoo boli amitnii doog bolohoo bolioch

Зочин [202.21.109.34] 2020-04-04 14:52:30

Чи тэгвэл мэдээд олигтойхон няцаагаад өг л дөө. Чам шиг ажилгүй, амаа ангалзуулсан юмнууд нийгмийг бохирдуулдаг байхгүй юу.

MOGEUH [202.55.188.33] 2020-03-31 11:15:14

Mongolin Ontsgoi gamshgin ersdel unlegchdin holboo ard irged ta buhen gaduur baga yavaj garaa saitar ugaaj gertee agaar solij maska zuuj hevshih stress bagtai baij bieiin tamiraar hicheelleh MOGEUH

Тэ1 [192.82.72.59] 2020-03-31 10:44:38

Эргүү дагз вэ мэдэхгүй юма бурахаа боль

Зочин [202.126.89.57] 2020-03-31 10:25:14

Тэнэг мал минь з т гэнэ үү хэн тодорхойлсон юм бэ зүгээр хүүхдүүдэд хүн байхыг л заа эргүү юмнууд сонгууль дөхөхөөр бүгд солиорчих юм аа

Зочин [202.126.89.42] 2020-03-31 10:04:17

Hamgiin ih hundegdej bga asuudliig goliig olj harsan bn shde minii huuhded yag odoo bolood bga zuuliig yarisan bna

Иргэн [43.228.129.129] 2020-03-31 10:03:06

Жорж сорсын сан гэж Монголчуудыг цусгуй устгах сургалтын заавраар явж байгааюм, 6 настай хүүхдийг эх эцгээс нь салгаад хүчээр хэрэгт хэрэггүй юм заасан болоод, мөнгө нэхээд хашрааж байна. Монгол уламжлалт боловсролын системийг боловсруулах хэрэгтэй

Зараа [182.160.36.28] 2020-03-31 09:49:26

Юун, яасан z үеийнхэн, америкийн нийгэмд болж буй үзэгдлийг хальт уншчихаад монголын хөрсөнд боловсруулалт хийгээгүй шууд буулгана гэж яаж төсөөлөөд байгаа нөхөр вэ. Нийгмийн ухааны судлаач нартайгаа зөвлөлдөж, монголынхоо нийгмийг дориухан судалсны дараа өөрийн орны онцлогт тохирсон сургалтын системийг боловсруулаач ээ, багш нараа бэлдээч. Гэхдээ юуны өмнө энэ ажлыг хийж чаддагт нь суудлаа өгөөд зайлаач, бодлого боловсруулагч энэ мэттэйгээ таарсан юмнууд нь байгаа цагт z, x үеийнхэн гэж солиорохоос цаашгүй нь тодорхой

Зочин [202.21.109.34] 2020-04-04 15:34:08

Mongol huuhduud Americ huuhduud shig setgehui ni hugjuud baina. Bolovsroliin system ni bahi baidgaaraa baigaad baina. Cham metiin humuus ingej bichihiig medseer baij yamar ch sudalgaa shinjilgeegui sanaandaa orsniig yariad suuj baiv l gejdee. Chaddagt ni ug l geh yum. Zaluu ueiinhen ni hiie buteey geed hicheeheer chi bish l geh yum. Iim yavtsgui bodoltoi haa hurne ee?

Зочин [202.126.89.84] 2020-03-31 09:43:13

Наад уйгаржингаа болимоор лам нарын маань уншихуу шинжлэх ухааныг уйгаржингаар уншиж мэдлэг авахуу. Дээр нь монгол хэл бичигт хужаа нараар оорчлолтууд хийхэээ болимоор зугээр л дуудлагаараа олон бидний монгол хэл бичгийн дурэм оорчилжээ

Zohin [202.126.89.84] 2020-03-31 09:39:42

Дарханы 19 р сургууль бсургалт толбороо жилээр аваад 12/23 наас хичээл орсонгуй багш нар нь ч таг хичээлээ ч заахгуй 12 анги тогсох хуухдууд хэцуу бнаа эцэг эх нь ееш н зарим хичээлээр багш холслох гэд хэцуу бнаа

Ard [103.26.193.79] 2020-03-31 09:27:26

Ene hudlaa soliorhoo bol Za teneg batsaan! Ajilaa hiij chadahgui Namiin nereer neg yum bj !

Иргэн [203.91.119.42] 2020-03-31 09:18:05

Зарим хувийн сургуулийн 1 дүгээр ангийн сургалтын төлбөр 15 сая гэхийн үнэн үү, лай байгаадаа, 1 багшид сарын сая төгрөгний цалин өгөөд гэртээ ганцаарчилсан сургалт авсан нь бараг дээр юм бишүү, ийм эрх зүйн орчин байдаг уу

Зочин [64.119.20.74] 2020-03-31 08:50:32

Тэг л дээ , ур толоо дураар нь тавиад АДГУУС болгоцгоо , ер нь ч туруучээсээ АМЬТАН болж байгаа ш дээ ...?! Уламжлалгуй шинэчлэл гэж байдаггуй юм , шинэ уегуй хуучин уе гэж байгаагуй юм . Юуны чинь Z уе , Z чинь аль нэг ( танарын шутэн биширдээр Америкийнх гэе !) цагаан толгойн цоон ( тогслог гэдэг юм !) хэдэн усгийн нэг ! Усгуудээ дуусчихаар яах юм , мал аа ( соелтойгоор !) ?! Чинийхээр бол " шинэ уе (Z )" чинь энэ зуунд аль хэдийнээ дуусчихсан байх нь ... дэлхий ертонц соночихно гэсэн уг уу ?! .... яая даа байз , энэ малуудыг - болдогсон бол таргалуулж ( чинийхээр бол дураар нь тавьж " бэлэнчлуулж " байгаад !) байгаад ...

Зочин [208.180.184.130] 2020-03-31 08:47:04

Юун z вэ. Америкийн юмыг л шууд хуулчих юмаа. Монгол хүүхдийн онцлогийг судалсан юм чамд байна уу. Цээжний пангаар гөрөөд байна уу гүй юу

Зочин [192.82.73.14] 2020-03-31 08:26:52

ХУДЛАА ШААХАА БОЛИОЧ ДЭЭ.

Eh oron [202.126.89.245] 2020-03-31 08:14:59

Mash zob zvvliin talaar yrilaa daanch boginhon yrilaa odoogiin bagsh nar huuchinii bagsh nar onoogiin hvvhedvvdiin setgehvvnd niizej hecheel zaahgvi bainaldaa zvgeerel jishee helii ( ta nar heden too bodood surchih Za yu muusain tolgoi muutai ymnuud ) gej manai ohinii bagshin zaganchaad surguuliinhaa vvdend tamhi dataad zogsoj bain genee 3 angiin emegtei hvvhed maan 3*4+9=? Iim toonii hariu bodoj chadahgvi baigaa suragch teneg ymuu surguuliin vvdend tamhi dataad shvlsee haydag bagsh teneg ymuu gej asuusan zvgeerel jishee helsen ym


32 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
32 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.