“МОНОС ХҮНС” компанид IPO гаргах зөвшөөрөл олголоо

Санхүүгийн зохицуулах хороо 2019 оны 3 дугаар сарын 13-ний өдөр хуралдаж, эрүүл мэндийн хүнсний бүтээгдэхүүн үйлдвэрлэгч Монос Хүнс компанид монголын хөрөнгийн зах зээлд IPO гаргах тусгай зөвшөөрөл олголоо. Тус компани нь 8.5 тэрбум төгрөгийг татан төвлөрүүлэхээр зорьж байгаа бөгөөд нийт хувьцааныхаа 30 хувь буюу 122 сая ширхэг хувьцааг, нэгжийн үнэ нь 70 төгрөгөөр олон нийтэд санал болгох юм.
Монос Хүнс компани нь энэхүү татан төвлөрүүлэх хөрөнгөөр, олон улсын GMP, ISO-9001:2015, HACCP зэрэг стандартыг нэвтрүүлсэн, орчин үеийн дэвшилтэд технологи, тоног төхөөрөмж бүхий Эрүүл мэндийн шингэн хүнсний үйлдвэрийг ашиглалтад оруулахаар зорьж байна.
Ингэснээр үйлдвэрлэлийн одоогийн хүчин чадал 24 дахин нэмэгдэхээс гадна бүтээгдэхүүний нэр төрөл олширч, зах зээлд үүсээд буй эрэлт хэрэгцээг бүрэн хангах боломж бүрдэх юм.
Ялангуяа иргэдийн өдөр тутмын хүнсний хэрэглээ болсон амин дэм, эрдэс бодисоор баяжуулсан шингэн хүнсээр дамжуулан өвчлөлөөс урьдчилан сэргийлэх, дархлааг дэмжих зэргээр нийт хүн амын эрүүл мэндийг сахин хамгаалах үйлсэд өндөр хувь нэмэр оруулах юм.
Үнэт цаас гаргагчийн андеррайтераар Голомт Капитал ҮЦК ХХК ажиллаж байгаа юм байна.
Цагаан сараар бөх барилдуулахыг бөхийн холбоо, бөхчүүд, үзэгч олон дэмжиж байна
Н.Баасанжав: Ээлжийн амралтыг удаан жилийн нэмэгдэлгүй 20 хоног байхаар заасан нь хүнийг ялгаварлахгүй эрх тэгш байх зарчмыг хангаж байгаа
Д.Бямбасүрэн: Сангийн сайд Ч.Хүрэлбаатар бол Монгол Улсыг хөгжүүлэх бодлогын хүн биш. Ч.Хүрэлбаатар бол зөвхөн гадныханд л үйлчилдэг хүн
Оюутолгой юу билээ, Л.Оюун-Эрдэнэ хэн билээ...
Б.Отгон: Ялсан намын шүүх байгуулагдаж “ялтан” авлигачдаа суллаж эхэллээ
Ичдэггүй гурав буюу залууст итгэх итгэлээр тоглогчид
С.Ганбаатар: Оюутолгой 2051 он хүртэл ашиг авахгүйн дээр, 22 тэрбум долларын өртэй үлдэх нь
А.Сүхбатад ч Хууль үйлчлэх ёстой
Доктор С.Авирмэд: Оюутолгой 45 сая тонн зэс, 1800 тонн алтнаас хавьгүй илүү их нөөц байгаа юм биш үү?
Улсын Дээд шүүх: Ж.Эрдэнэбат нарт холбогдох хэргийн шийдвэр магадлалыг хүчингүй болгож, прокурорт буцаалаа