Монголчуудын авьяас, чадварыг дэлхий нийт аль хэдийн хүлээн зөвшөөрсөн. Олон ч залуус дэлхийн алдартай шоунуудад оролцож эх орныхоо нэрийг өндөрт өргөж яваа. Тэдний нэг бол циркчин Б.Баттулга. Тэрбээр өнгөрсөн долоо хоногт Авьяаслаг Австраличууд шоунд үзүүлбэрээ амжилттай толилуулж, дараагийн шатанд шалгарчээ.

Б.Баттулга нь Лас Вегас хотод үйл ажиллагаа явуулдаг “Механик цирк” компанид циркчинээр ажилладаг. Энэ удаагийн үзүүлбэртээ галтай гуалин мод нуруун дээрээ эргүүлсэн юм. Түүнчлэн гуалин модноос дүүжилсэн савлуурт шүүгч болон хөтлөгчийг суулган эргүүлж олныг гайхшруулсан байна.