Нийслэлд хог хаягдлын нэдсэн менежментийн журам хэрэгжүүлнэ

Н.Алтанцэцэг / Нийслэл

Нийслэлийн Иргэдийн Төлөөлөгчдийн Хурлын ээлжит XXXII хуралдаанаар “Энгийн хог хаягдлыг цэвэрлэх, ангилах, цуглуулах, тээвэрлэх, дахин боловсруулах, сэргээн ашиглах, устгах, булшлах журам”-ын төслийг хэлэлцэж, батлав. Улаанбаатар хотод хог хаягдлыг ачиж, тээвэрлэх үйл ажиллагааг нийслэлийн ИТХ-ын 2015 оны 86 дугаар тогтоолоор баталсан журмаар зохицуулж буй. Хог хаягдлын тухай хуулийг УИХ-аас 2017 онд шинэчлэн найруулсантай холбогдуулан дээрх журмын төслийг боловсруулсан гэдгийг төсөл боловсруулагчид онцлов. Уг журмын төслийг Нийсэлэлийн Иргэдийн Төлөөлөгчдийн Хурлын ээлжит XXXI хуралдаанаар хэлэлцэж, төслийг илүү сайжруулж, боловсруулах үүрэг өгөн буцаагаад байсан. Улмаар ажлын хэсэг байгуулан ажиллаж дахин Иргэдийн Төлөөлөгчдийн Хуралдаанаар хэлэлцэн баталлаа.

Ажлын хэсгийн зүгээс журмын анхны төсөлд байсан хог хаягдлын үйлчилгээнд ажиллах хүч, машин техникийн тоо хэмжээг заасан хэт нарийвчилсан заалтууд, хөдөлмөрийн аюулгүй ажиллагаатай холбоотой зарим заалт, Улаанбаатар хотын ерөнхий менежер ТҮК-уудтай гэрээ байгуулах, сонгон шалгаруулах зэрэг Хог хаягдлын тухай хуультай зөрчилдсөн хэд хэдэн заалтуудыг хасаж, нийслэл, дүүрэг, хороо, иргэн аж ахуй нэгжийн чиг үүргийг тодорхой зохицуулсан заалтуудыг нэмж оруулан найман бүлэг 293 заалттай байсан журмын төслийг шинэчлэн найруулж, 10 бүлэг 512 заалттай байхаар боловсруулсаныг Нийслэлийн ИТХ-ын ээлжит XXXII хуралдаанаар ийнхүү батлав. Ингэснээр нийслэлд хог хаягдлын нэгдсэн менежментийн журам хэрэгжүүлэхээр болсон юм.

Өнөөдрийн байдлаар хог хаягдлыг дахин боловсруулах 29 үйлдвэр нийслэлд үйл ажиллагаа явуулж байна. Эдгээр үйлдвэр жилд дунджаар 300 мянга гаруй тонн хог, хаягдал цуглуулж дахин боловсруулах замаар эргэлтэд оруулж буй. Гэвч хог хаягдал цэвэрлэх, цуглуулах, тээвэрлэх чиглэлээр дүүргүүдийн тохижилт, үйлчилгээний компаниудтай байгуулсан гэрээний гүйцэтгэл хангалтгүй, хяналт сул байгааг Улаанбаатар хотын Ерөнхий менежер Т.Гантөмөр онцолсон. Мөн нийслэлийн хэмжээнд хог тээвэрлэж буй 306 машины олонх нь эвдрэл ихтэй байдаг. Тэгвэл журам батлагдсанаар арван төрлийн үйл ажиллагааг зохицуулж, хог хаягдлыг ачиж, цуглуулах тээвэрлэх үйл ажиллагааг нэгдсэн стандартад оруулж удирдлага зохион байгуулалтыг нь сайжруулж, үйлчилгээний нэгдсэн хяналт удирдлагын тогтолцоонд орж байгаа юм.


Сэтгэгдэл

Зочин [203.91.116.119] 2020-02-21 12:01:05

Манай улсын хог хаягдлын менежмент айрай л хэтэрхий хоцрогдсон нь үнэн. Хогоо ангилан ялгах талаар заалт орсон л байгаасай. Зарим нэг хүн хэрэглэчихээр эд зүйлсээ хог руу хаях ч хэцүү, байх ч хэцүү байдаг. Яалтач үгүй хаяхаар нөгөө бохир хогнуудтай холилдоод хүн хэрэглэхийн аргагүй болдог. Хогийн цэг бүхэнд ангилан ялгадаг савнуудтай болмоор юм.

Зочин [202.126.88.148] 2020-02-20 21:51:48

aj ahuin hogni uniig 140-160%iar nemsen gesen hogiig odor tutam achih ym gesen

Zochin [176.189.88.83] 2020-02-20 21:44:38

Hudlaa huraldaad l bhaar sandal shireeneesee holdood ajliin guitsetgeldee anhaaraachee.havar bolloo end tendgui shivter shinheg unerteed ehelne..21r zuun sh te ..hereg algaa

Иоп [203.91.115.56] 2020-02-20 19:48:03

МАШ УДААН ҮХЭР ТЭРЭГ ШИГ АЖИЛЛАЖ БНА. АЖИЛЛАХ Ч ГЭЖ ДЭЭ. ДАГВАА ТА НАР ХОТЫГ ДАМПУУРУУЛЖ ГҮЙЦЛЭЭ ДЭЭ. ЯАЖ 10 САР ХҮРНЭ ДЭЭ ХУРДАН ЗАЙЛДАА.ХОГ ЯРИСААР 4 ЖИЛ ҮР ДҮН АЛГА


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.