Борооны улмаас эвдэрсэн төмөр зам болон авто замыг сэргээн засварлахаар ажиллаж байна
Өчигдөр буюу 6 дугаар сарын 21-ний өдөр орсон хүчтэй аадар борооны улмаас дараах замууд эвдэрснийг сэргээн засварлахаар ажиллаж байна.
- Улаанбаатар-Хөшигийн хөндий чиглэлийн хурдны авто замын Улаанбаатар талаас 21.4, 24.1, 24.7, 26.2, 28, 28.3 дахь км-т замын хөвөө, шуудуу, хоолой, торон хашаа
- Улаанбаатар-Чойр чиглэлийн авто замын 100-180 км-т 14 хэсэг газар үерийн ус замын хөвөөг угаасан, 132-150 дахь км-т замын зорчих хэсэг эвдэрсэн.
Мөн Зуунмод-Мандалговь чиглэлийн замын Бөхөгийн гүүр орчимд үерийн ус ихээр орж ирж тээврийн хэрэгсэл зорчиход хүндрэл үүссэн, Улаанбаатар-Сайншанд чиглэлийн төмөр замын 554-585 дахь км-т 8 хэсэг газарт нийт 2.5 км төмөр замын далан үерийн усанд сэтэрч, эвдрэлд ороод байна.
Гамшгийн хор уршгийг арилгах, хойшлуулшгүй сэргээн босгох үйл ажиллагаанд Чойр болон Наран-Элгэн өртөөний замчид болон холбогдох байгууллагын 470 орчим хүн оролцож байгаа бөгөөд ОБЕГ-ын Гамшгийн шуурхай удирдлагын газрын дарга, хурандаа Б.Мандахгэрэлээр ахлуулсан “Ажлын хэсэг” удирдлага, зохион байгуулалтаар ханган ажиллаж байгаа юм.
Засгийн газрын 2019 оны 1 дүгээр сарын 9-ний өдрийн 1 дүгээр тогтоолоор батлагдсан “Гамшгийн хохирол, хэрэгцээний үнэлгээ хийх журам”-ын дагуу үерийн улмаас үүссэн нөхцөл байдлын үнэлгээг хийж байна гэж Онцгой байдлын ерөнхий газраас мэдээллээ.
Сэтгэгдэл
Zochin [66.181.161.102] 2020-06-23 05:18:55
Яаж идэж ууж ямар зам тавьсаныг харууллаа даа..хүн амьтан гэмтээгүй л бол яяамай даа
зочин [66.181.160.124] 2020-06-22 08:58:53
Пөөх энэ чинь ёстой гамшиг болсон юм байна ш дээ
Зочин [66.181.161.122] 2020-06-22 05:40:56
Шинэ нисэхийн хурдны зам ашиглалтанд оронгуутаа эвдэрч чанараа харуулж байна уу?
Зочин [66.181.177.166] 2020-06-23 00:42:12
Арга гүй. Орон нутгийн замын-уур амьсгалын нөхцлөөр биш, бэлэн өгөгдөл,нормативыг ашиглахын оронд харь орны нөхцөл, зураг төсөл ашигладаг. Үндэснийхээ уур амьсгалын судалгаа, өгөгдөл, мэрэгжилтний зөвлөлгөөг авдаггүй. Мөнгө л унагах аргаар барьсан шүү дээ.Зөвлөх инженер Г.Н.
Зочин [192.82.65.51] 2020-06-22 07:24:45
Хоёр малаа! Тэр чинь мөн, хоёр дахь малаа!!!
Зочин [202.70.34.114] 2020-06-22 06:52:00
өөр зам шүү малаа
Зочин [89.238.167.198] 2020-06-22 04:40:15
Замын чанарыг ч мөн шалгаж байнадаа