Хотын захиргааны шинэ байранд 145 ор дэлгэлээ

Aдмин / Нийслэл

Нийслэлийн Засаг дарга бөгөөд Улаанбаатар хотын захирагч Д.Сумъяабазар хотын захиргааны шинэ байранд яаралтай ор дэлгэх үүргийг Нийслэлийн Эрүүл мэндийн газарт өгсөн билээ. Яармагт баригдсан захиргааны шинэ байранд ор дэлгэснээр эмнэлгийн үйлчилгээ авах зайлшгүй шаардлагатай, ор хүлээж буй өвчтөнүүдийг хүлээн авах боломжтой болох юм.

Энэ хүрээнд өчигдрөөс эхлэн тус байранд 145 ор дэлгэн “Яаралтай тусламжийн түр төв”-ийг байгуулж буй юм. Тиймээс нийслэлийн Засаг дарга бөгөөд Улаанбаатар хотын захирагч Д.Сумъяабазар өнөөдөр тус эмнэлэгт очиж ажиллалаа. “Яаралтай тусламжийн түр төв” нь 10 амьсгалын аппараттай бөгөөд орны тоонд хангалттай хүрэлцэх 100 хувь хүчилтөрөгчийн хангамжтай гэдгийг Нийслэлийн Эрүүл мэндийн газрын дарга Б.Бямбадорж хэлсэн юм. Тэрбээр дүүрэг, харьяалал харгалзахгүй, эмнэлэгт хэвтэн эмчлүүлэх шаардлагатай иргэдэд эмнэлгийн тусламж үйлчилгээ үзүүлэх, дүүргийн эмнэлгүүдэд ор гармагц дараагийн шатлалын эмнэлэг рүү шилжүүлнэ гэж байлаа.

Шаардлагатай тохиолдолд дахин ор дэлгэх хангалттай орны нөөц болон зай, талбай байгаа ч хүний нөөц дутмаг байгааг албаныхан хэлж байлаа. Тус эмнэлэг нь маргааш гэхэд өвчтөнүүдээ хүлээн авах боломжтой бөгөөд Хан-Уул дүүргийн нэгдсэн эмнэлгийн эмч, ажилтнуудаас бүрдсэн 180 гаруй эмч, сувилагч ажиллах юм байна.

Засаг даргын шуурхай хуралдаанаар дүүрэг бүр нэмж ор дэлгэх тал дээр судалгаа хийх, яаралтай зохион байгуулах үүрэг чиглэлийг дүүргийн удирдлагуудад өгсөн. Тиймээс нэг иргэний амь насыг алдахгүйн тулд бүхий л нөөц боломжоо дайчлан, ор дэлгэх, өвчтөн хүлээн авах ажлаа шуурхай зохион байгуулахыг Нийслэлийн Засаг дарга бөгөөд Улаанбаатар хотын захирагч Д.Сумъяабазар энэ үеэр Нийслэлийн Эрүүл мэндийн газарт үүрэг болголоо. Харин Хан-Уул дүүргийн Нэгдсэн эмнэлгийн дарга Т.Энхтуяа “Коронавирусийн нөхцөл байдал хүндэрч, халдварын тохиолдол ихэссэнээр ачаалал маш их нэмэгдсэн. Хотын дарга төрийн захиргааны байранд ор дэлгэн, яаралтай тусламжийн төвийг байгуулах шийдвэр гаргасан нь цаг үеэ олсон, зөв шийдэл байлаа” хэмээв.

Энэ үеэр Нийслэлийн Засаг дарга бөгөөд Улаанбаатар хотын захирагч Д.Сумъяабазар улаан бүсэд орж ажиллах амаргүй үүрэг, хариуцлага хүлээж буй эмч эмнэлгийн ажилчдад талархал илэрхийлсэн юм.


Сэтгэгдэл

Zochin [103.229.123.183] 2021-06-25 16:29:08

ZUV SHUU

Зочин [192.82.72.10] 2021-06-23 17:43:27

хэвтэх нь ор нь ч яахав болж. Хэрэглэх ариун цэврийн өрөө нь яах вэ, дарга аа

ИРГЭН [202.9.46.45] 2021-06-23 14:29:09

ӨДӨРТ 2 МЯНГА ГАРУЙ ХҮН НЭМЭГДЭЖ БАЙХАД НААД 145 ОР ЧИНЬ ҮНЭНДЭЭ ХӨГИЙН ИНЭЭДТЭЙ БАЙНА ШҮҮ

Зочин [192.82.84.193] 2021-06-24 18:05:03

Чи тэнэг хар толгойгоо хариуц. Хэдэн мянгаар нь ор дэлгэж, 8000 өвчтөн хүлээн аваад эмчилж байна.

Зочин [202.9.46.239] 2021-06-23 16:20:05

Ухамсаргүй ард иргэд засгийн газарт бүх бурууг чихчихээд өөрсдөө халдвар хамгааллын дэглэмээ зөрчөөд халдвар авагчдын тоо нэмэгдүүлээд байна.

зочин [195.46.106.46] 2021-06-22 18:11:35

ЗӨВ ШИЙДВЭР ГАРГАЖЭЭ


6 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
6 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.