Иргэн Ч.Мөнхбаярын өмгөөлөгч А.Батдорж, Г.Баасан нар мэдээлэл хийлээ.

Энэ үеэрээ тэд: "Хүний эрх хамгаалагч Ч.Мөнхбаярыг 66 хоног хорьж байна. Бид түүнийг цагдан хоригдсон 21 дэх хоногт хэвлэлийн хурал хийж байсан. Өнгөрсөн 45 хоногийн хугацаанд 04.01-ны өдөр АШШ-ны Гэм буруугийн шүүх хурал болсон. Энэ хурлаар иргэн Ч.Мөнхбаярын гэм буруутай гэх нотлох баримтууд үгүйсгэгдэж, шүүх хэргийг цагаатгах боломжтой байхад эргэлзээтэй нотлох баримт гэж үзэн прокурорт буцаах тогтоол гаргасан. Өмгөөлөгч бидний хувьд эргэлзээтэй нотлох баримт гэдгийг нотлох баримт биш гэж үзэж байгаа.

Нотлох баримтгүй, хохиролгүй, хор уршиггүй, Монгол улсын үндэсний аюулгүй байдлын эсрэг үйлдэл, эс үйлдэхүй үйлдсэн гэмт хэргийн шинж тогтоогдоогүй учраас таслан сэргийлэх арга хэмжээг өөрчлөх хуульд заасан оргон зайлах, дахин гэмт хэрэг үйлдэхгүй, оршин суугаа хаяг тодорхой нөхцлүүд хангагдаж байгаа ч шүүгдэгч, өмгөөлөгч нарын хүсэлтийг хангахгүй байгаа Ч.Мөнхбаярын эрх зүйн байдлыг санаатайгаар дордуулж, хуульд заасан үндэслэлгүйгээр цагдан хорьж эрүү шүүлтийн хэлбэр болох дарамт үзүүлж байна.

НҮБ-ын Хүний эрх хамгаалагчдын тухай тунхаглалд Хүний эрхийг хамгаалагчдыг эрх баригчид хууль шүүхээр дарамтлах, хуулиар далайлгах, сүрдүүлэх, шударгаар шүүлгэх эрхийг нь хасах, гутаан доромжлох, нэр төрийг нь харлуулсан мэдэгдэл хийх, зохиомол хэрэгт холбогдуулан шалгах, гадаадын агент нууц бүлгэмийн тагнуул, төрийн дайсан хэмээн буруутгадаг үйлдлүүдийг хориглосныг олон улсын өмнө хүлээсэн зөвшөөрсөн үүргээ Монгол улс зөрчиж байна.

Хүний эрх хамгаалагч Ч.Мөнхбаярыг ЭХТА-ийн 19.4.1-д заасан гэмт хэргийг үйлдэх үндэс байхгүй гэж эсэргүүцэн суллахыг шаардсан мэдэгдлүүдийг Монгол туургатнуудаас гаргасаар байгаа. Швед дэх Монгол соёлын нийгэмлэг, Монгол АНУ-ын Чингис хааны дурсгалын сан, Өвөр Монголын хүний эрхийн мэдээллийн өртөө, Америкийн монголчуудын соёлын холбоо гэх мэт байгууллагуудаас гаргасан байна.

Уг маргаан Нийслэлийн Эрүүгийн хэргийн давж шаалдах шатны шүүхэд шилжиж байгаа бөгөөд Анхан шатны шүүхийн топгоолд Прокурор эсэргүүцэл бичсэн, мөн өмгөөлөгчид бид гомдол гаргасан байгаа.Ийм учраас НЭХДЗШШ-д шилмэгц Ч.Мөнхбаярт авсан таслах сэргийлэх арга хэмжээг өөрчлүүлэх хүсэлтийг өмгөөлөгчдийн зүгээс дахин гаргах болно.

2022.03.10-ны өдөр УИХ-ын даргад, Ерөнхийлөгч, Ерөнхий сайд, УЕП-т, ТЕГ-ын дарга нарт албан бичиг хүргүүлсэн бөгөөд ТЕГ-аас хэргийг шүүхэд шилжүүлсэн гэсэн хариуг өгсөн. Хэргийг шүүхэд шилжүүлэхээс өмнө өмгөөлөгч нарт огт танилцуулаагүй. Ерөнхийлөгчийн ТГ-аас УЕП-д шилжүүлсэн гэсэн хариу ирсэн. ЗГХЭГ-аас хөндлөнгөөс нөлөөлөх, оролцохыг хуулиар хориглосон гэсэн хариу ирүүлсэн нь МУ-ын Үндсэн хуулийн 19 дүгээр зүйлд заасан Төрөөс ... хүний эрх, эрх чөлөөг зөрчихтэй тэмцэх, хөндөгдсөн эрхийг сэргээн эдлүүлэх үургийг иргэнийхээ өмнө хариуцна гэсэн заалтыг хэрэгжүүлэхээс татгалзсан үйлдэл болсон. УЕП-оос одоо хүртэл хариу ирүүлээгүй. АТГ-д Тагнуулын байгууллагын албан тушаалтан, мөрдөгч, прокурор нарыг шалгуулах хүсэлт гаргасан боловч гомдлыг УЕП-т шилжүүлсэн гэсэн хариу өгсөн. Одоо НЭХДЗШШ-ээр ЭХАШШХ-д хэлэлцсэн нотлох баримтын хүрээнд хянан хэлэлцэх тул уг хэргийг хэрэгсэхгүй болгоно гэдэгт итгэлтэй байна. Ерөнхийлөгч, ХЭҮК-т гомдол гаргаж байна." гэв

Эх сурвалж: www.sonin.mn