Таван Ш ажиллагааны хүрээнд газар тариалан эрхлэлтийг дэмжих тусгай сангуудыг хэзээ шилэн болгох талаар ХХААХҮ-ийн сайд Х.Болорчулуунаас тодрууллаа.

Тэрбээр, тусгай сангууд тэр дундаа хөдөө аж ахуйг дэмжих сан дээр маш их зөрчил дутагдалтай, хаалттай, өр авлага нь барагдахгүй 200 гаруй тэрбум болсон байна. Үүнийг энэ чигээр нь цааш явуулаад байж болохгүй. Иймд компани болох аж ахуйн тооцоон дээр ажиллах, аж ахуйн тооцоон дээр ажиллахдаа хувийн компаниудтай өрсөлдөх, гэхдээ хувийн компанийн хийж чадах ажлыг хийх бус үндсэн хөрөнгөнд 180 мянган тонны багтаамжтай агуулах сав барина. Үүн дээр үндэслэж нөөцийн будаа хадгалах, олон улсын болзошгүй аюулаас сэргийлэх бүтээгдэхүүнийг тэнд хадгалах үйл ажиллагаа явуулах болохоос биш бусад янз бүрийн ажлуудыг хийгээд байхгүй.

Хөдөө аж ахуйг дэмжих сан дээр 200 гаруй тэрбумын чанаргүй зээл үүссэн гэсэн үг үү?

Ерөнхий зураглалаар нь харахад улс төрийн байдлаар Засгийн газрын шийдвэр гараад хөнгөлөлт чөлөөлөлт өгсөн. Тэр болгоныг хасчихвал бараг тал нь хасагдчихна.

Хөдөлмөрийн баатар Л.Чинбат тариалан эрхлэх сангаас 2 тэрбум төгрөгийн зээл аваад эргүүлж төлөөгүй гэдэг мэдээлэл байна.

Хөдөлмөрийн баатар Л.Чинбатын хувьд үндсэн үйл ажиллагаа нь явагдаагүй гэж хэлж болохгүй байх. Яагаад гэвэл гацуурт компани нь монгол улсын газар тариалангийн салбарт анхдагч, түүчээ болж ажилласан. Техник технологи орчин үеийн технологийг нэвтрүүлэхийн тухайд түүчээ болж явсан. Газар тариалангийн салбар өөрөө маш эрсдэлтэй. Манайх шиг цаг агаарын хүнд нөхцөлтэй, зундаа ган гачиг их болдог учир эрсдэлтэй. Тийм учраас зарим компаниуд ногоо тарих аа больж гарч байгаа. Хэрвээ ашигтай байсан бол гарахгүй шд.

Өрөө яагаад төлөхгүй байгаа юм бол?

Ганц хоёр тэрбумын өр аваагүй, өөр олон тэрбумын хөнгөлөлттэй зээл авсан юм байна лээ. Ихэнхийг нь төлсөн юм байна лээ.