Монгол Улс 2025 оны эхний гурван сард 128 оронтой худалдаа хийж, гадаад худалдааны нийт эргэлт 5.6 тэрбум ам.долларт хүрчээ. Үүнээс экспорт 3 тэрбум ам.доллар, импорт 2.5 тэрбум ам.долларыг бүрдүүлж, гадаад худалдааны тэнцэл 465.1 сая ам.долларын ашигтай гарав.

Гадаад худалдаа ашигтай гарсан ч экспорт өмнөх оны мөн үетэй харьцуулахад 17.5 хувь буюу 637.5 сая ам.доллараар буурсан байна. Энэ нь нүүрс, алт, хонь, ямааны мах, төмрийн хүдэр, боловсруулаагүй газрын тосны экспорт багассантай холбоотой.

Харин зэс, цайр, жоншны хүдэр, баяжмалын экспорт өссөн нь бууралтыг тодорхой хэмжээнд нөхсөн үзүүлэлт болжээ.

Э.ЭГШИГЛЭН