МАН-ын даргын сунгаатай холбоотойгоор Улсын Их хурлын дарга Д.Амарбаясгалан, Ерөнхий сайд Г.Занданшатар нарын хооронд багагүй асуудал үүссэн. Энэ талаар УИХ-ын гишүүн асан М.Билэгт байр сууриа илэрхийллээ.

Тэрбээр "Үеийн үед манай МАН-ын лидерүүд энэ улс орныг удирдаж авч явж байсан. Айл өрхөөр бол тухайн өрхийн эцэг нь юм шиг тийм л удирдагч байх ёстой. Зөрчилдөөн байж болно.

Намын даргад өрсөлдөх нь нээлттэй. Бага хурал дээрээ мэтгэлцээнээ ярьж, хэлж хоорондоо ярилцах ёстой. Өргөн мэтгэлцээн тэр бага хурал дээр болоосой л гэж бодож байна.

Өчигдрийн хувьд манай УИХ-ын дарга арай л залуу байна гэж бодсон. Манай ахмадууд ухамсарт амьдралаа энэ намын төлөө үхэн үхтлээ энэ намдаа үнэнч байсан. Ямар их хүч, ухаанаар МАН-ын өдий хүртэл авч явсан юм бэ.

Харин 2016 оны УИХ-ын сонгуулиас хойш М.Энхболд дарга МАН-аа 76 суудлын 65 суудалтай болгож авч ирсэн. Энэ бол Монголын төрд байх маш том хүчтэй болгож ялалт авчирсан.

Л.Оюун-Эрдэнэ, Д.Амарбаясгалан гээд манай намын залуучууд баян айлын эрх хүүхдүүд шиг бэлэн юм дээр ирсэн. Тэр эрч хүчээрээ яваад байна" гэв.