Улаанбаатар-Дархан-Уул аймаг чиглэлийн авто замыг засаж буйн улмаас галт тэргээр зорчих иргэдийн тоо эрс нэмэгдсэн.

Улмаар Эрдэнэт өртөөнөөс наймдугаар сарын 10-аас Улаанбаатар-Эрдэнэийн чиглэлд мягмар, пүрэв, бямба гаригт 21:40 цаг, Эрдэнэтээс-Улаанбаатарын чиглэлд лхагва, баасан, ням гаригт 21:15 цагт нэмэлт галт тэрэг гарган, зорчигчдыг тээвэрлэж байсан юм.

Есдүгээр сар гарсаар зорчигчдын ачаалал буурсантай холбогдуулан маргаашнаас Эрдэнэт рүү нэмэлтээр галт тэрэг явуулахгүй байхаар шийдвэрлэжээ.