Шинэ төрлийн коронавирусийн халдвар авсан хүний тоо өнөөдөр өглөөний /2020.02.04/ байдлаар 20 мянгад хүрч, нас барагсдын тоо 426 болсон байна. Халдвар авсан 500 гаруй хүн уг өвчнийг даван гарч, эдгэж илааршсан байна.

Тайландад 71 настай эмэгтэй ДОХ-ын эмчилгээнд хэрэглэдэг лопинавир, ритонавир эмүүдийг томуугийн оселтамивир эмтэй хольж бэлтгэсэн коктейл эмчилгээний ачаар 48 цагийн дотор бүрэн эдгэрсэн нь өвчний халдвар авсан хүмүүст найдвар төрүүлж байгаа аж.