Б.Ууганбаяр: Тусгаарлагдсан иргэдийг ажлаас нь халсан гэх санал гомдлууд ирж байна


УОК-ын Шуурхай штабаас мэдээлэл хийлээ.
51 ИРГЭНИЙГ ТУСГААРЛАЛТААС ГАРГАСАН
ОБЕГ-ын олон нийттэй харилцах төвийн дарга, Шуурхай штабын хэвлэлийн төлөөлөгч дэд хурандаа Б.Дуламсүрэн "Шуурхай штабаас өнгөрсөн өдрүүдэд Сэлэнгэ, Дархан-Уул, Орхон аймагт тусгаарлах байрны тог нэмэгдүүлж ажиллалаа. Мөн тусгаарлах байрнаас гараад гэртээ өөрийгөө хэрхэн тусгаарлах журмыг боловсруулан бэлтгэсэн.
Гуравдугаар сарын 24-25-нд 93 иргэн нэмж тусгаарлагдсан. Харин 51 иргэнийг тусгаарлалтаас гаргасан. Дөрөвдүгээр сарын 1-нээс эхлэн ХБНГУ, Япон, Солонгос улсаас иргэдээ татан авах нислэгт ХӨСҮТ, МХЕГ болон холбогдох байцаагч нараас томилон ажиллуулахаар төлөвлөж байна" гэв.
ГУДАМЖ ТАЛБАЙН ОРОН СУУЦ, ГЭР ХОРООЛЛЫН ГУДАМЖ ТАЛБАЙД АРИУТГАЛ ХИЙЖ БАЙГАА
Нийслэлийн Засаг даргын орлогч Ж.Батбаясгалан: Улаанбаатараас орж гарах хөдөлгөөн хэвийн явагдаж байгаа ба авто тээврийн шалган нэвтрүүлэх найман товчоодод Нийслэлийн цагдаа, онцгой, мэргэжлийн хяналт, мал эмнэлгийн газрууд хамтран эрүүл мэндийн байгууллагын чиглэлийн дагуу ажиллаж байна. Иргэдээс авч байгаа асуумж мэдээллийг цаашид эрсдэл үүсэхэд ашиглах учир цааргалалгүй, дэлгэрэнгүй өгөөрэй.
Гудамж талбайн ариутгал 03.17-ноос эхлэн хийгдэж байгаа ба орон сууц, гэр хорооллын гудамж талбайд одоогоор 2335,2 км зам, 117.50 м.кв талбайд ариутгал хийсэн. Баянзүрх Налайх дүүрэгт өнөөдөр ариутгал хийгдэж байна. Энэ нь нэг удаагийнх бөгөөд дахин 2-3 дахь удаа хийхээр төлөвлөсөн.
БИД ТУХАЙН ИРГЭНИЙГ 14 ХОНОГ ТУСГААРЛАЛТАД БАЙСАН ГЭХ ТОДОРХОЙЛОЛТ ӨГЧ БАЙНА
Шуурхай штабын дарга ОБЕГ-ын дэд дарга, хурандаа Б.Ууганбаяр: ОХУ-аас 33 оюутнаа, БНХАУ-д байгаа нүүрс тээврийн жолоочдоо татан авна. БНХАУ-аас өнөөдөр тодорхой тооны оношлуур, амны хаалт авна. Тусгаарлах байрнаас гарсан иргэд гэртээ 14 хоног байна. Өвдсөн байсан хүн гэртээ 28 хоног дэглэм сахина. Энэхүү ажлыг зохион байгуулахаар ажиллаж буй мэргэжлийн олон хүний хүч хөдөлмөрийг бодож иргэд хариуцлагатай байх хэрэгтэй. Тусгаарлалтад байгаа хүний ар гэрийнхэн нь ажил төрлийг нь зохицуулаарай. Ажлаас нь халсан гэх санал гомдлууд ирж байгаа ба бид тухайн иргэнийг 14 хоног тусгаарлалтад байсан гэх тодорхойлолт өгч байна. Ажил олгогчид үүсээд буй нөхцөл байдалд эерэг, зөв талаас шийдэж ажиллаарай гэж зөвлөх байна.
Ард иргэдийн хариуцлага, анхаарал сулрах гээд байна. Эхлэлээсээ төгсгөлийг үзтэл бүгдээрээ хариуцлагатай, анхаарлаа сулруулахгүй байя гэж уриалмаар байна.
Монгол Улсын 32 дахь Ерөнхий сайдаар Л.Оюун-Эрдэнийг дэвшүүлэхээр тогтжээ
Хурандаа У.Хүрэлсүхийн тактик ба Ерөнхийлөгчийн сонгууль
Б.ЦЭЦЭГ: Ганган гоё, боловсролтой маш сайхан залуус үлгэр шиг гарч ирсэн. Гэтэл Х.Ганхуяг, Г.Дамдинням, Г.Амартүвшин та нар ард түмнээ яаж ингэж хуурч чадав аа
Х.Отгонбаатар: Сүхбаатарын талбайд гарч жагсахаасаа айдаг биш, ийм нийгэмд амьдрахаасаа айдаг байх хэрэгтэй шүү хэрсүү монголын иргэд ээ!!!
С.Одонтуяа: МАН-ын дотоод тэмцэл дээд цэгтээ хүрч цуврал жүжиг тавьж байна
Монгол Улсын Ерөнхийлөгч Х.Баттулга: Иргэдийн сайн дураараа эвлэлдэн нэгдсэн жагсаалыг хэн нэгэн удирдан зохион байгуулсан мэт илтэд хуурамч мэдээлэлд итгэн гаргаж буй мэдэгдэл нь туйлын харамсалтай байна
“Би ээж хүн, ялтан биш” гэсэн бичиг барьж, усны хувцастайгаа эсэргүүцлээ илэрхийллээ
УИХ-ын гишүүд яагаад юу ч дуугарахгүй байна вэ, хүйтэн сэтгэлтэй эмэгтэй гишүүд хаана байна! Талбай дээр гараад ир
Монгол Улсын Ерөнхий сайд У.Хүрэлсүх албан тушаалаас огцорч байгаагаа мэдэгдлээ
Р.Амаржаргал: Засгийн газар огцрохгүй ээ, У.Хүрэлсүхийн 2 сайдаа авч үлдэх арга