ВАШИНГТОН. /TASS/. АНУ-ын Ерөнхийлөгч Жо Байден анхны бүрэн хэмжээний хэвлэлийн бага хурлаа пүрэв гарагт хийнэ гэж Цагаан ордон мэдээлжээ.

АНУ-ын 46 дахь Ерөнхийлөгч тангараг өргөснөөс хойш есөн долоо хоног өнгөрчээ. Ж.Байден анхны хэвлэлийн бага хурлаа ийм удаан хугацаагаар хойшлуулсан сүүлийн 100 жил дэх Америкийн анхны удирдагч болж байна гэж “Newsweek” сэтгүүлд бичсэн байна.

Өмнөх Ерөнхийлөгч Дональд Трамп анхны хэвлэлийн бага хурлаа тангараг өргөснөөс хойш 27 хоногийн дараа хийж байсан бол Барак Обама 20 хоногийн дараа зохион байгуулж байжээ. Харин бага Жорж Буш үүрэгт ажилдаа орсноос хойш 33 хоногийн дараа хийж байв.

Хэвлэлийн бага хурлын цаг тодорхойгүй байгаа боловч үдээс хойш болно гэж таамаглаж байна.

www.montsame.mn