Ерөнхийлөгчийн Тамгын газрын дарга Я.Содбаатар: Уулнаас мод авчирч суулгах нь “Тэрбум мод” үндэсний хөдөлгөөний ажил биш
Ерөнхийлөгчийн Тамгын газрын дарга Я.Содбаатар: Уулнаас мод авчирч суулгах нь “Тэрбум мод” үндэсний хөдөлгөөний ажил биш
“Тэрбум мод” үндэсний хөдөлгөөний хүрээнд уулнаас мод авчирч суулгахгүй. Энэ бол үндэсний хөдөлгөөний ажил биш” гэж Монгол Улсын Ерөнхийлөгчийн Тамгын газрын дарга Я.Содбаатар хэллээ.
“Тэрбум мод тарих аян Сэлэнгэ аймгийн Хүдэр сумын зулзган нарсан ойг сүйдэлж дууслаа” гэсэн мэдээлэл гарсантай холбогдуулан сэтгүүлчид тодруулга авсан байна.
Я.Содбаатар: “Энэ бол хоёр өөр асуудал. Нэг нь ойн салбарт, жил бүр байнга хийдэг технологийн ажил. Өөрөөр хэлбэл шигүү ойг сийрэгжүүлэх ажлыг тодорхой, эрх, үүрэг бүхий аж ахуйн нэгжүүд хийх ёстой. Өнгөрсөн жил Сэлэнгэ аймаг таван аж ахуйн нэгжид зөвшөөрөл өгсөн байна. Аж ахуйн нэгжүүд хууль зөрчсөн үү, технологийн дагуу ажилласан уу, сийрэгжүүлэх ёстой талбайдаа ажилласан уу гэдгийг Цагдаагийн байгууллага тодруулж байгаа.
Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн бол өөр. Энэ хоёрыг салгаж ойлгох хэрэгтэй. Үндэсний хөдөлгөөний хүрээнд ойгоос мод булгалж авчирч суулгасан удаа огт байхгүй. Ийм зүйл хийхгүй. Нэг ёсондоо уулнаас мод авчирч тарих нь үндэсний хөдөлгөөний ажил биш.
Ой модыг сийрэгжүүлэх ажлыг өнгөрсөн он жилүүдэд хийж байсан, ирээдүйд ч хийнэ. Энийг уур амьсгалын өөрчлөлттэй тэмцэх, цөлжилтийг бууруулах үндэсний хөдөлгөөний ажилтай холбож ойлгож болохгүй” гэлээ.
Мөн “Өнөөдөр 43 ойн анги, 224 аж ахуйн нэгж мод үржүүлгийн чиглэлээр үйл ажиллагаа явуулж байгаа. Ойрын хоёр жилд чадавхийг нь сайжруулна. Ногоон санхүүжилт болон бусад хэлбэрээр дэмжинэ.
Томоохон аж ахуйн нэгж, ялангуяа уул уурхайн компаниудыг тшиглэсэн мод үржүүлгийн ангиуд байгуулагдаж байгаа. Дээр нь аймаг дундын механикжсан анги бий болно. Түүнээс биш уулнаас мод авчирч суулгаад ургахгүй. Бойжуулалтын талбай, эсвэл хүлэмжид тарьсан модыг хүн ам шигүү суурьшсан суурьшлын бүс рүү явуулдаг технологитой.
Энэ бол улс төржиж болохгүй сэдэв. Хэн нэгэн хүний улс төрийн сэдэв биш. Энэ бол монголчуудын, хүн төрөлхтний ирээдүйтэй холбоотой, тогтвортой хөгжлийн суурь асуудал юм ” гэлээ.
.jpg)
.jpg)
Сэтгэгдэл
Зочин [150.129.141.25] 2021-11-11 05:19:48
Ойг сийрэгжүүлж байхгүй бол 50 хувь нь л ургадаг шүү
зочин [66.181.183.20] 2021-11-11 02:18:57
Арынхангайн модтой сум болгонд цуваа зургаа гэдэг машин өдөр шөнөгүй мод зөөж байна. Хяналт алга. Багахан зөвшөөрөл аваад тоглочихдог. Ялангуяа Жаргалант сумыг анхаараарай.
Зочин [192.82.85.82] 2021-11-10 10:43:53
Гудамж талбай, гадаа мод тарих байтугай тасалгааны цэцэг тарихад хүртэл тодорхой мэдлэг, арчилгаа, сэтгэл шаардана. Эсвэл энэ монголчууд чинь бүгд агрономч,цэцэрлэгч болчихоо юу. Энэ намаржин мод тарьж байна хүү хаа гэж шуурууллаа. Одоо сарын өмнө тарьсан модоо эргэж тойроод тогоог нь цэвэрлэж услаад ядаж ургаж байгаа үгүйг нь ганцццхан очоод харчихсан хүн тэр олон мэргэжилтнүүдээс байхгүй дээ
Зочин [202.126.88.203] 2021-11-10 08:29:11
Тэрбум мод тарихыг далимдуулж ойгоос мод ухаж авчирч хотод зарж борлуулж мөнгө олдог болсон байна, ойгоос 1-ийг хасаад хотод 1-ийг суулгах тэнцүү 0 шүүдээ, 1-ийг хасаад 1-ийг нэмэх тэнцүү 0, иймд ойгоос мод авч хот сууринд суулгах хэрэггүй,
Зочин [103.9.90.130] 2021-11-10 23:52:36
Umhii mal govid ochij tarchilj bhdaa taarsan sduu ve
Зочин [103.80.210.183] 2021-11-10 08:09:15
угаасаа л сурсан зангаараа бэлэнчлээд уулын мод сугалж ирээд хотод үхүүлж байгаа шүү дээ. нисэхийн зам дагуу байгаа моднууд бэлэн гэрч болоод хатаад байж л байна
Иргэн [59.153.114.123] 2021-11-10 07:53:20
Том машин дүүрэн мод ачаад давхиж байхыг харсан уу???Машины дугаар марк тодорхой харагдаж байхад түүнийг нягталж чадахгүй тамгын газраар яах гээв. Та нар тар!!!