Ёохор-2019” наадам ирэх долдугаар сарын 18, 19-ний өдрүүдэд Хэнтий аймгийн Батширээт суманд зохион байгуулах юм байна. Уг наадмын гол зорилго нь буриадын уламжлалт ардын тойрон бүжиг ёохрыг хадгалж хамгаалан хойч үедээ өвлүүлэх юм. Сүүлийн жилүүдэд уг арга хэмжээ олон улсын наадам болон өргөжсөн байна.

Энэ жил тав дахь удаагаа болох “Ёохор” наадмын үеэр эрдэм шинжилгээний хурал, хүчит бөхийн барилдаан, буриад сурын харваа, хатир жороо морьдын уралдаан, сээр цохих наадам зэрэг буриад ястны зан заншил, соёл, үндэсний спортын онцлогийг харуулсан тэмцээн уралдаан болох ажээ.