Цөлжилттэй тэмцэх тухай НҮБ-ын конвенцын Талуудын 17 дугаар бага хурал (СОР17)-ыг угтаж, сум, орон нутгийнханд зориулсан бүсчилсэн зөвлөлдөх уулзалтыг хангайн бүсийн аймгуудад зохион байгуулж байна.

Архангай аймагт эхэлсэн уулзалтыг COP17 Үндэсний хорооны Ажлын алба, НҮБ-ын Олон улсын шилжилт хөдөлгөөний байгууллага (IOM), Монголын “Байгалийн өв сан” болон Байгаль зэрлэг амьтдын хамгаалах нийгэмлэг (WCS) хамтран зохион байгуулав. Хангайн бүсийн зөвлөлдөх уулзалт нь бүс нутгийн оролцогч талуудын дуу хоолойг бага хуралд тусгах, орон нутгийн сайн туршлагыг түгээн дэлгэрүүлэх, газрын тогтвортой менежментийн чиглэлээр хамтын ажиллагааг бэхжүүлэх зорилготой юм.