Тусгай олимпын Зуны 15 дахь удаагийн наадам АНЭУ-ын Абу Даби хотноо болж байна. Олимпын хоёр дахь өдөр жүдогийн эмэгтэйчүүдийн -57 кг-ийн жинд барилдсан Э.Бямбажаргал болон эрэгтэйчүүдийн -100 кг-ийн жинд барилдсан Ө.Амарсанаа нар хүрэл медаль хүртэж Монголын багийн медалийн салхийг хагалсан. Харин саяхан бөөрөнцөг шидэлтийн төрлөөр манай улсын тамирчин Х.Балжинням ангилалдаа гуравдугаар байрт орж, хүрэл медаль хүртсэн байна. Тэрбээр Өмнөговь аймгийн харьяат 23 настай, энэ төрөлд туршлага дутмаг ч медалийн болзол хангаж чадлаа. Одоо Х.Балжинням 100 метрийн гүйлтийн төрөлд өрсөлдөнө.