Морьтой хүн дайрахаар улайран давхиж яваагаа малын хулгайч нартай тэмцэгчийн дүрд хувилж булзайруулахыг оролдсон сайдын аав Л.Чинбатын хэрэг шийдэгдэхгүй удсаар. Жирийн ядуу ардыг яахаас буцдаггүй хууль хүчнийхэн сайдын баян аавд юунд ийн нялхамсах? Өнөөх Сэлэнгэ аймагт даам суугч Гачуурт компанийн эзний гар хөлүүд мөн л малчдын газрыг хэдэн зуун га-гаар хашаалж тэр ч бүү хэл шөнө дөлөөр хагалж тариа тарьж байгаа мэдээг сэтгүүлч Б.Отгон бичжээ. “Сэлэнгийнхнийг заналхийлсэн Л.Чинбат шөнө дөлөөр малчдын хадлангийн талбайг хагалан тариан талбай болгож байна.

Сэлэнгэ аймгийн Түшиг сумын Зээрэнгийн төвийн ард түүний тариалангийн талбай байдаг. Талбайгаа томруулсаар сүүлдээ малчдын хадлангийн талбай руу шөнөөр оржээ. Хадлан өвс авах боломжгүй болсон залуу малчдын хамаг ирээдүйг булааж буй Л. Чинбат энэ залуусыг цаашид яаж амьдарна гэж бодсон бол оо?

Өөрийнх нь охин Засгийн газрын Соёлын сайд хийж болдог юм байж. Харин өөрийнх нь охин шиг залуус уламжлалт малаа маллаад төрсөн нутагтаа амьдарч болохгүй юу? Сэлэнгийн малчдыг нэг бол дайрч ална хэмээн машинаараа хөөдөг, эсвэл малын бэлчээр, хадлангийн талбайг бүгдийг нь булааж дээрэмддэг энэ хэн бэ? Түүнд хариуцлага тооцох ТӨР, хууль хяналтын байгууллага алга уу”